ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﺪﺍ «ﺋﯘﻳﻐﯘﺭ ﺳﯩﻴﺎﺳﯩﺘﻰ ﻗﺎﻧﯘﻧﻰ» ﻣﺎﻗﯘﻟﻠﯘﻗﺘﯩﻦ ﺋﯚﺗﺘﻰ
ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﺪﺍ 2-ﺳﯩﻨﺘﻪﺑﯩﺮ ﻛﯜﻧﻰ «ﺋﯘﻳﻐﯘﺭ ﺳﯩﻴﺎﺳﯩﺘﻰ ﻗﺎﻧﯘﻧﻰ» (H.R 2635) ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﯨﻨﯩﯔ ﺑﯩﺮﺩﻩﻙ ﻣﺎﻗﯘﻟﻠﯩﻘﻰ ﺑﯩﻠﻪﻥ ﻗﺎﺭﺍﺭﺩﯨﻦ ﺋﯚﺗﺘﻰ. ﺑﯘ ﻗﺎﻧﯘﻥ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ (CCP) ﺋﯧﻐﯩﺮ ﺩﻩﺭﯨﺠﯩﺪﯨﻜﻰ ﻛﯩﺸﯩﻠﯩﻚ ﮪﻮﻗﯘﻕ ﺯﯗﻟﯘﻣﯩﻐﺎ ﺩﯗﭺ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﻗﻮﻟﻼﺵ ﺋﯜﭼﯜﻥ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﺑﯩﺮ ﺳﺘﺮﺍﺗﯧﮕﯩﻴﻪﻧﻰ ﺋﯩﻠﮕﯩﺮﻯ ﺳﯜﺭﯨﺪﯗ.
ﺋﺎﻣﯧﺮﯨﻜﺎ ﭘﺎﺭﻻﻣﯧﻨﺘﻰ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺷﻪﺭﻗﯩﻲ ﺋﺎﺳﯩﻴﺎ ﯞﻩ ﺗﯧﻨﭻ ﺋﻮﻛﻴﺎﻥ ﺋﯩﺸﻠﯩﺮﻯ ﺋﯩﭽﻜﻰ ﻛﻮﻣﯩﺘﯧﺘﻰ ﺭﻩﺋﯩﺴﻰ ﮪﻪﻡ ﺑﺎﮪﺎﻟﯩﻐﯘﭼﻰ ﻛﯩﻢ ﻳﻮﺋﯘﯓ (Kim Young) ﻣﯘﻧﺪﺍﻕ ﺩﯦﺪﻯ:
«ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﯘﺯﯗﻥ ﺯﺍﻣﺎﻧﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭ ﺧﻪﻟﻘﯩﮕﻪ ﻗﺎﺭﯨﺘﺎ ﻣﻪﺟﺒﯘﺭﯨﻲ ﺗﯘﻏﻤﺎﺱ ﻗﯩﻠﯩﺶ، ﻗﯘﻝ ﺋﻪﻣﮕﻪﻛﻜﻪ ﻣﻪﺟﺒﯘﺭﻻﺵ ﯞﻩ ﺳﯩﺴﺘﯧﻤﯩﻠﯩﻖ ﻗﯩﺮﻏﯩﻨﭽﯩﻠﯩﻘﻼﺭﻧﻰ ﻳﯜﺭﮔﯜﺯﺩﻯ. ﻣﻪﺳﯘﻡ ﺋﺎﺋﯩﻠﯩﻠﻪﺭ ﭘﺎﺭﭼﯩﻠﯩﻨﯩﯟﺍﺗﻘﺎﻥ، ﻛﯩﻤﻠﯩﻜﻠﯩﺮﻯ ﻳﻮﻗﯩﺘﯩﻠﯩﯟﺍﺗﻘﺎﻥ، ﭘﻪﺭﺯﻩﻧﺘﻠﻪﺭﻧﯩﯔ ﺋﺎﯞﺍﺯﻟﯩﺮﻯ ﺑﻮﻏﯘﻟﯩﯟﺍﺗﻘﺎﻥ ﺑﯩﺮ ﺯﺍﻣﺎﻧﺪﺍ، ﺋﺎﻣﯧﺮﯨﻜﺎ ﺗﺎﻣﺎﺷﺎ ﻛﯚﺭﯛﭖ ﺋﻮﻟﺘﯘﺭﺍﻟﻤﺎﻳﺪﯗ. ﻣﯧﻨﯩﯔ ‹ﺋﯘﻳﻐﯘﺭ ﺳﯩﻴﺎﺳﯩﺘﻰ ﻗﺎﻧﯘﻧﯩﻢ› ﺷﯘﻧﺪﺍﻕ ﺋﯧﻨﯩﻖ ﺋﯘﭼﯘﺭ ﻳﻮﻟﻼﻳﺪﯗﻛﻰ: ﺋﺎﻣﯧﺮﯨﻜﺎ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻗﻪﺑﯩﮭ ﻛﯩﺸﯩﻠﯩﻚ ﮪﻮﻗﯘﻗﻰ ﺯﯗﻟﯘﻣﯩﻐﺎ ﺳﻪﺑﯩﺮ ﻗﯩﻠﻤﺎﻳﺪﯗ — ﻣﻪﻳﻠﻰ ﺋﯘ ﺑﯩﺰﻧﯩﯔ ﺯﯦﻤﯩﻨﯩﻤﯩﺰﺩﺍ ﺑﻮﻟﺴﯘﻥ، ﻣﻪﻳﻠﻰ ﺑﺎﺷﻘﺎ ﻳﻪﺭﺩﻩ ﺑﻮﻟﺴﯘﻥ.»
ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:
«ﻣﻪﻥ ‹ﺋﯘﻳﻐﯘﺭ ﺳﯩﻴﺎﺳﯩﺘﻰ ﻗﺎﻧﯘﻧﻰ› ﻧﯩﯔ ﺋﺎﯞﺍﻡ ﭘﺎﻻﺗﺎﺳﯩﺪﺍ ﮪﻪﺭ ﺋﯩﻜﻜﻰ ﭘﺎﺭﺗﯩﻴﻪﻧﯩﯔ ﺯﻭﺭ ﻛﯚﭘﭽﯩﻠﯩﻜﯩﻨﯩﯔ ﻗﻮﻟﻠﯩﺸﻰ ﺑﯩﻠﻪﻥ ﻗﻮﺑﯘﻝ ﻗﯩﻠﯩﻨﻐﯩﻨﯩﻨﻰ ﻛﯚﺭﯛﭖ ﺧﯘﺷﺎﻝ ﺑﻮﻟﺪﯗﻡ. ﺑﯘ ﻗﺎﻧﯘﻥ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯚﺯﮔﯩﭽﻪ ﻣﯩﻠﻠﯩﻲ، ﺩﯨﻨﯩﻲ، ﻣﻪﺩﻩﻧﯩﻲ ﯞﻩ ﺗﯩﻞ ﻛﯩﻤﻠﯩﻜﯩﻨﻰ ﻗﻮﻏﺪﺍﺵ ﮪﻪﻡ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻛﯩﺸﯩﻠﯩﻚ ﮪﻮﻗﯘﻕ ﯞﻩ ﺩﯨﻨﯩﻲ ﺋﯩﺘﯩﻘﺎﺩ ﺋﻪﺭﻛﯩﻨﻠﯩﻜﯩﮕﻪ ﮪﯚﺭﻣﻪﺕ ﻗﯩﻠﯩﺶ ﻳﻮﻟﯩﺪﺍ ﺑﯧﺴﯩﻠﻐﺎﻥ ﺑﻪﻙ ﻣﯘﮪﯩﻢ ﻗﻪﺩﻩﻡ ﮪﯧﺴﺎﺑﻠﯩﻨﯩﺪﯗ. ﺋﺎﻣﯧﺮﯨﻜﺎ ﭘﺎﺭﻻﻣﯧﻨﺘﻰ ﮪﻪﻡ ﺩﯙﻟﻪﺕ ﺋﯩﭽﯩﺪﻩ، ﮪﻪﻡ ﺳﯩﺮﺗﯩﺪﺍ ﻛﯩﺸﯩﻠﯩﻚ ﮪﻮﻗﯘﻗﻨﻰ ﻗﻮﻏﺪﺍﺵ ﻳﻮﻟﯩﺪﺍ ﮪﻪﻣﯩﺸﻪ ﺋﺎﮔﺎﮪ ﺑﻮﻟﯘﺷﻰ ﻛﯧﺮﻩﻙ.»
.
ﺋﯘﻳﻐﯘﺭ ﮪﻪﺭﯨﻜﯩﺘﻰ ﺗﻪﺷﻜﯩﻼﺗﯩﻨﯩﯔ ﻗﯘﺭﻏﯘﭼﯩﺴﻰ ﯞﻩ ﺋﯩﺠﺮﺍﺋﯩﻴﻪ ﺭﻩﮪﺒﯩﺮﻯ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺭﯗﺷﻪﻥ ﺋﺎﺑﺒﺎﺱ ﺧﺎﻧﯩﻢ ﻣﯘﻧﺪﺍﻕ ﺩﯦﺪﻯ:
«ﺑﯘ ﻗﺎﻧﯘﻥ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﯨﻜﻰ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﯞﻩ ﺋﺎﻣﯧﺮﯨﻜﯩﻨﯩﯔ ﺋﯘﻳﻐﯘﺭ ﺧﻪﻟﻘﻰ ﺑﯩﻠﻪﻥ ﻣﯘﺳﺘﻪﮪﻜﻪﻡ ﺑﯩﺮﮔﻪ ﺗﯘﺭﯗﺷﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺪﯨﻐﺎﻥ ﻣﯘﮪﯩﻢ ﻗﻪﺩﻩﻣﺪﯗﺭ. ﺑﯘ ﻗﺎﻧﯘﻥ ﺋﯘﻳﻐﯘﺭ ﻛﯩﺸﯩﻠﯩﻚ ﮪﻮﻗﯘﻗﻰ ﻣﻪﺳﯩﻠﯩﺴﯩﻨﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺳﯩﻴﺎﺳﯩﺘﯩﻨﯩﯔ ﺋﺎﻻﮪﯩﺪﻩ ﻣﻪﺭﻛﯩﺰﯨﺪﻩ ﺗﯘﺗﯘﺵ ﺋﺎﺭﻗﯩﻠﯩﻖ، ﺧﯩﺘﺎﻱ ﮪﯚﻛﯜﻣﯩﺘﯩﻨﯩﯔ ﺟﯩﻨﺎﻳﻪﺗﻠﯩﺮﯨﺪﯨﻦ ﮪﯧﺴﺎﺏ ﺳﻮﺭﺍﺷﻨﻰ ﻛﯜﭼﻪﻳﺘﯩﺪﯗ ﯞﻩ ﺋﺎﺯﺍﺏ ﺗﺎﺭﺗﯩﯟﺍﺗﻘﺎﻥ ﻣﯩﻠﻴﻮﻧﻠﯩﻐﺎﻥ ﺋﯘﻳﻐﯘﺭ ﺋﺎﺋﯩﻠﯩﻠﯩﺮﯨﮕﻪ ﻛﯜﭼﻠﯜﻙ ﻗﻮﻟﻼﺵ ﺳﯩﮕﻨﺎﻟﻰ ﻳﻮﻟﻼﻳﺪﯗ. ﺑﯘ ﻗﺎﻧﯘﻥ ﻧﯩﺸﺎﻧﻠﯩﻖ ﺑﯩﺮ ﺋﯩﺴﺘﺮﺍﺗﯧﮕﯩﻴﻪ ﺋﺎﺭﻗﯩﻠﯩﻖ ﺟﺎﺯﺍ ﻻﮔﯧﺮﻟﯩﺮﯨﻨﻰ ﺗﺎﻗﺎﺵ، ﺋﯘﻳﻐﯘﺭ ﻣﻪﺩﻩﻧﯩﻲ ﻛﯩﻤﻠﯩﻜﯩﻨﻰ ﻗﻮﻏﺪﺍﺵ ﯞﻩ ﭼﯩﮕﺮﺍ ﮪﺎﻟﻘﯩﻐﺎﻥ ﺑﺎﺳﺘﯘﺭﯗﺷﻘﺎ ﻗﺎﺭﺷﻰ ﺗﯘﺭﯗﺵ ﻧﯩﺸﺎﻧﻐﺎ ﻳﯧﺘﯩﺸﻜﻪ ﻳﺎﺭﺩﻩﻡ ﺑﯧﺮﯨﺪﯗ. ﻣﻪﻥ ﺑﯘ ﻗﺎﻧﯘﻧﻨﻰ ﻗﻪﺕﺋﯩﻲ ﻗﻮﻟﻼﻳﻤﻪﻥ ﯞﻩ ﺑﯘ ﺩﻩﯞﺍﻧﻰ ﻗﻮﻟﻼﭖ ﻛﻪﻟﮕﻪﻥ ﻛﯩﻢ ﻳﻮﺋﯘﯓ ﯞﻩ ﺑﺎﺭﻟﯩﻖ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻐﺎ ﭼﯩﻦ ﻛﯚﯕﻠﯜﻣﺪﯨﻦ ﻣﯩﻨﻨﻪﺗﺪﺍﺭﻟﯩﻘﯩﻤﻨﻰ ﺑﯩﻠﺪﯛﺭﯨﻤﻪﻥ.»
.
‹ﺋﯘﻳﻐﯘﺭ ﺳﯩﻴﺎﺳﯩﺘﻰ ﻗﺎﻧﯘﻧﻰ› ﻧﯩﯔ ﻣﻪﺯﻣﯘﻧﻰ:
• ﺋﺎﻣﯧﺮﯨﻜﺎ ﺳﯩﻴﺎﺳﻪﺗﻠﯩﺮﯨﻨﻰ ﺑﯩﺮ ﺑﯩﺮﯨﮕﻪ ﺑﺎﻏﻼﭖ، ﺩﯙﻟﻪﺕ ﻛﺎﺗﯩﭙﻰ ﺋﯘﻳﻐﯘﺭ ﻛﯩﺸﯩﻠﯩﻚ ﮪﻮﻗﯘﻗﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺳﯩﻴﺎﺳﻪﺕ ﯞﻩ ﭘﯩﻼﻧﻼﺭﻏﺎ ﻛﯚﺯﻩﺗﭽﯩﻠﯩﻚ ﻗﯩﻠﯩﺶ ﯞﻩ ﺋﯘﻳﻐﯘﺭ ﻣﯩﻠﻠﯩﻲ، ﺩﯨﻨﯩﻲ، ﻣﻪﺩﻩﻧﯩﻲ ﯞﻩ ﺗﯩﻞ ﻛﯩﻤﻠﯩﻜﯩﻨﻰ ﻗﻮﻏﺪﺍﺷﻨﻰ ﺯﯨﻤﻤﯩﺴﯩﮕﻪ ﺋﯧﻠﯩﺶ.
• ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯧﺴﯩﻤﯩﻐﺎ ﺩﯗﭺ ﻛﻪﻟﮕﻪﻥ ﺋﯘﻳﻐﯘﺭ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﮪﻮﻗﯘﻗﯩﻨﻰ ﻗﻮﻟﻼﻳﺪﯨﻐﺎﻥ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﻗﻮﻟﻼﺵ.
• ﻛﯩﺸﯩﻠﯩﻚ ﮪﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻨﯩﯔ ﮪﯧﺴﺎﺏ ﺳﻮﺭﯨﺸﯩﻨﻰ ﻛﯜﭼﻪﻳﺘﯩﺶ ﯞﻩ ﺗﯘﺗﻘﯘﻥ ﻻﮔﯧﺮﻟﯩﺮﻯ ﺑﯩﻠﻪﻥ ﺳﯩﻴﺎﺳﯩﻲ ﻗﺎﻳﺘﺎ ﺗﻪﺭﺑﯩﻴﻪﻟﻪﺵ ﻻﮔﯧﺮﻟﯩﺮﯨﻨﻰ ﺗﺎﻗﺎﺵ ﺳﺘﺮﺍﺗﯧﮕﯩﻴﻪﺳﯩﻨﻰ ﻻﻳﯩﮭﯩﻠﻪﺵ ﺋﺎﺭﻗﯩﻠﯩﻖ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﻰ ﺋﯘﻳﻐﯘﺭﻻﺭﻏﺎ ﻳﯜﺭﮔﯜﺯﯨﯟﺍﺗﻘﺎﻥ ﺑﯧﺴﯩﻤﻨﻰ ﺗﻮﺧﺘﯩﺘﯩﺸﻘﺎ ﻣﻪﺟﺒﯘﺭﻻﺵ.
• ﺩﯙﻟﻪﺕ ﮪﺎﻟﻘﯩﻐﺎﻥ ﺑﺎﺳﺘﯘﺭﯗﺵ ﻣﻪﺳﯩﻠﯩﺴﯩﻨﻰ ﮪﻪﻝ ﻗﯩﻠﯩﺶ ﯞﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻥ ﺋﯘﻳﻐﯘﺭﻻﺭ ﺋﯜﭼﯜﻥ ﻣﻪﻟﯘﻡ ﻗﯩﻠﯩﺶ ﺳﯩﺴﺘﯧﻤﯩﺴﻰ ﻗﯘﺭﯗﺵ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺩﻯﺋﺎﺳﭙﻮﺭﯨﺴﯩﻨﻰ ﻗﻮﻟﻼﺵ.
