ئۇيغۇر ھەرىكىتى تەشكىلاتى باش ئەلچى كىلى كيۇرى خانىمنىڭ مانىلادىكى ئامېرىكا تاشقى ئىشلار مىنىستىرلىقى ئاسىيا تاراتقۇ مەركىزىدە قىلغان دوكلاتىدىكى كۈچلۈك پىكىرلىرىگە ئالاھىدە رەھمەت ئېيتىدۇ . كيۇرى خانىم تېلېفوندا خىتاي ھۆكۈمىتىنىڭ شەرقىي تۈركىستاندىكى باستۇرۇشى ۋە ئۇنىڭ ئۇيغۇر ئاياللىرىغا كۆرسەتكەن تەسىرى ھەققىدە توختالدى. بۇ خانىمنىڭ دۇنيا ئاياللىرىنىڭ مەسىلىسىنى ھەل قىلىش ئۈچۈن قىلغان خىزمەتلىرى غايەت زور تەسىرگە ئىگە. ئۇنىڭ بۇ سۆزلىرىدىن دۇنيا ئاياللار مەسىلىسى ئىشخانىسىنىڭ ئۇيغۇرلار دۇچ كەلگەن ئىرقىي قىرغىنچىلىقنى چۈشىنىپ يەتكەنلىكنى كۆرۈۋالغىلى بولىدۇ .
كيۇرى خانىم مۇنداق دېدى: «بىز بىرلەشكەن دۆلەتلەر تەشكىلاتىنىڭ خىتاي بىلەن نۇرغۇن كېلىشىم ئىمزالاپ، ئۇلارنىڭ <بىر بەلۋاغ بىر يول> قۇرۇلۇشىنى ئىلگىرى سۈرۈشىگە ياردەم بەرگەنلىكىنى كۆردۇق. ھالبۇكى بىرلەشكەن دۆلەتلەر تەشكىلاتى <بىر بەلۋاغ بىر يول> لىنىيەسىنىڭ باش-ئاخىرىدا نېمە ئىشلار بولۇۋاتقانلىقىنى تەكشۈرۈشكە قىزىقمىدى». كيۇرى خانىم دۇنيا ئاياللىرى ئۈچۈن يۈرەكلىك سۆز قىلدى، بولۇپمۇ ئۇيغۇر ئاياللىرى دۇچ كەلگەن قەبىھ دەپسەندىچىلىككە قەتئىي قارشى تۇرىدىغانلىقىنى بىلدۈردى. بۇ سۆزلەر دۇنيادىكى ئېزىلگەن خەلقكە غايەت زور ئىلھام بېرىدۇ.
ئۇيغۇر ھەرىكىتى تەشكىلاتى باش ئەلچى كيۇرى خانىمنىڭ يېقىندا ئۆتكۈزۈلگەن «ئىستاتىستىكىلىق مەلۇماتتىن ھالقىش: ئۇيغۇر ئاياللىرى ۋە خىتاينىڭ قەبىھ قىلمىشلىرى»تېمىسىدىكى مەخسۇس مۇھاكىمە يىغىنىغا ئاساسلىق سۆزلىگۈچى سۈپىتىدە قاتنىشىپ بەرگەنلىكىدىن پەخىرلىنىدۇ. بۇ يىغىندا خىتاينىڭ ئۇيغۇرلارغا يۈرگۈزگەن ئىرقىي قىرغىنچىلىقىنىڭ زىيانكەشلىكىگە ئۇچرىغان بىر ئۇيغۇر ئايال گۇۋاھلىق بېرىپ، بىرىنچى قول ئىسپات بىلەن تەمىنلدى. كيۇرى خانىم تۈنۈگۈن ئاخشام ئەسكەرتىش بېرىپ:«بۇ، ئامېرىكىنىڭ دۇنيادا ئۇستىلىق ئېلىپ بېرىۋاتقان ئالدامچىلىقى ئەمەس. خىتاي كومپارتىيىسى مۇخبىرلارنىڭ ئۇ يەردە ئەركىن زىيارەت قىلىشىغا يول قويمىدى، بۇ مەسىلىنى تەكشۈرمەكچى بولغان غەرب مۇخبىرىلىرىنى خىتايدىن قوغلاپ چىقىرىشقا ئۇرۇندى. شۇنىڭ بىلەن، بۈگۈنكى خىتايدا بۇ مەسىلىگە كۆڭۈل بۆلىدىغان غەرب مۇخبىرلىرى ئازلاپ كەتتى. تېخىمۇ كۆپ ئىسپاتلار شۇنى كۆرسەتتىكى، خىتايلار بىر نەرسىنى يوشۇرۇۋاتىدۇ ھەمدە كەڭ-كۆلەمدە تەتۈر تەشۋىقاتىنى قانات يايدۇرۇپ، بۇ خىل مۇستەقىل خەۋەر-دوكلاتلارنى ئېلان قىلىشنى ئارقىغا سۈرۈۋاتىدۇ» دېدى.
بىز بىرلىكتە تىرىشچانلىق كۆرسىتىپ، ئاممىۋى جەمئىيەت بىلەن ھۆكۈمەت ئوتتۇرىسىدىكى ھەمكارلىقنى كۈچەيتىپ، خىتاي كومپارتىيىسىنىڭ زەھەرلىك ئېڭى پۈتۈن دۇنياغا يامراپ، ئاجىز خەلقنى تېخىمۇ باستۇرۇپ يوق قىلىشتىن ئاۋۋال بۇ ئىرقىي قىرغىنچىلىقنى توختىتىشقا پۈتۈن كۈچىمىز بىلەن ئاتلىنىمىز.
