خىتاي ئىقتىسادى داۋاملىق يىمىرىلمەكتە
فرانسىيە ئاۋازىنىڭ 6-مايدىكى خەۋىرىدە بايان قىلىشىچە، ئامېرىكا-خىتاي ئوتتۇرىسىدىكى سودا ئۇرۇشى خىتاينىڭ ئىقتىسادىي تەرەققىياتىنى بوغۇپلا قالماي، مۇلازىمەت كەسپىگە بولغان ئىشەنچنىمۇ تارىختىكى ئەڭ تۆۋەن نۇقتىغا چۈشۈرۈپ قويغان.
2025-يىلى 4-ئايدا خىتاينىڭ مۇلازىمەت كەسپىگە بولغان ئىشەنىچ 2005-يىلىدىن بۇيانقى ئەڭ تۆۋەن نۇقتىغا چۈشۈپ، خىتاي مەركىزى كومىتېتىنىڭ «مۇلازىمەت كەسپىنىڭ ھەرىكەتلەندۈرگۈچى كۈچىدىن پايدىلىنىپ ئىقتىسادىي تەرەققىياتنى ئىلگىرى سۈرۈش» غايىسىمۇ كۆپۈككە ئايلانغان. بۇنىڭ بىلەن ئىچكىي ئىستىمال تېخىمۇ چېكىنىپ، ئىشسىزلىق نىسبىتى يەنىمۇ ئۆرلىمەكتىكەن.
