خىتاينىڭ ياۋروپا ئىتتىپاقىغا قويغان جازالىرىنى بىكار قىلىش ھىلىسى
2021-يىلى ياۋروپا ئىتتىپاقى ئۇيغۇر ئىرقىي قىرغىنچىلىقى بىلەن ئالاقىدار بولغان خىتاينىڭ بىرقىسىم ئەمەلدارلىرىغا ۋە خىتاينىڭ ئىشلەپچىقىرىش قۇرۇلۇش بىڭتۇئەنىگە جازا يۈرگۈزگەن ئىدى. خىتاي دەرھاللا ئۆچ ئېلىش خاراكتېرلىك تەدبىر قوللىنىپ، ياۋروپا پارلامېنتى كىشىلىك ھوقۇق كومىتېتىغا ۋە ياۋروپا پارلامېنت ئەزالىرىدىن Michael Gahler, Raphaël Glucksmann, Ilhan Kyuchyuk, Miriam Lexmann, Reinhard Bütikofer قاتارلىقلارغا جازا يۈرگۈزگەن. ئارقىدىنلا يەنە مېركاتو خىتاي تەتقىقات مەركىزى قاتارلىق 3 ئورگانغا جازا يۈرگۈزگەن ئىدى.
جەنۇبىي گېرمانىيە گېزىتىنىڭ مۆلچەرلىشىچە، خىتاي دائىرىلىرى 7-ئايدا چاقىرىلىدىغان ياۋروپا-خىتاي ئوتتۇرىسىدىكى سۆھبەتتىن ئىلگىرى، بۇ جازالارنى ئۆز ئالدىغا بىكار قىلماقچى بولغان. بىراق ياۋروپا ئىتتىپاقى شەرقىي تۈركىستاندىكى ۋەزىيەتتە ئۆزگۈرۈش بولغانلىقىنى كۆرمىگەنلىكىنى نەزەردە تۇتۇپ، خىتاينىڭ بۇ بىر تەرەپلىمە جازانى بىكار قىلىش تەدبىرىگە سوغۇق مۇئامىلىدە بولۇش يولىنى تۇتقان ھەمدە 7-ئايدا ئۆتكۈزىلىدىغان سۆھبەتتە، ياۋروپا ئىتتىپاقى ئۆزلىرىنىڭ شەرتلىرىنى ئوچۇق ئوتتۇرىغا قويماقچى بولغان.
مۇتىخەسسىسلەر خىتاينىڭ ياۋروپا ئىتتىپاقىنى قولغا كەلتۈرۈپ، ئامېرىكىغا ئورتاق قارشى تۇرۇشتىن ئىبارەت بۇ ھىلىسىنىڭ ئەمدى ئاقمايدىغانلىقىنى تەكىتلەشكەن.
Michael Gahler, Raphaël Glucksmann, Ilhan Kyuchyuk, Miriam Lexmann, Reinhard Bütikofer
