ﺧﯩﺘﺎﻳﻨﯩﯔ 13 ﺟﺎﺳﯘﺳﻠﯘﻕ ﺗﻮﺭ ﺑﯧﺘﻰ FBI ﺗﻪﺭﯨﭙﯩﺪﯨﻦ ﻗﻮﻟﻐﺎ ﭼﯜﺷﯜﺭﯛﻟﮕﻪﻥ
ﺋﺎﻣﯧﺮﯨﻜﺎ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ «ﻣﻪﯞﮪﯘﻡ ﺟﺎﺳﯘﺳﻠﯘﻕ» ﺗﺎﻛﺘﯩﻜﯩﻠﯩﺮﯨﻨﻰ ﻗﻮﻟﻠﯩﻨﯩﺪﯨﻐﺎﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﺪﯨﻦ ﺋﺎﮔﺎﮪ ﺑﻮﻟﯘﺷﻨﻰ ﺑﯘﻳﺮﯨﻐﺎﻥ.
ﺋﺎﺗﺎﻗﺘﺎ «ﻣﻪﺳﻠﯩﮭﻪﺕ ﺷﯩﺮﻛﯩﺘﻰ» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﻯ، ﺋﺎﻣﯧﺮﯨﻜﯩﺪﯨﻜﻰ ﺋﯩﺸﺘﯩﻦ ﺑﻮﺷﯘﺗﯘﻟﻐﺎﻥ ﻳﺎﻛﻰ ﭘﯩﻨﺴﯩﻴﻪﮔﻪ ﭼﯩﻘﻘﺎﻥ ﻣﯘﮪﯩﻢ ﺩﯙﻟﻪﺕ ﺧﺎﺩﯨﻤﻠﯩﺮﯨﻨﻰ «ﻣﻪﺳﻠﯩﮭﻪﺗﭽﯩﻠﯩﻚ»ﻛﻪ ﺗﻪﻛﻠﯩﭗ ﻗﯩﻠﯩﭗ، ﺋﯩﺸﻘﺎ ﺋﺎﻟﯩﺪﯨﻜﻪﻥ. ﺋﺎﻧﺪﯨﻦ ﺋﯘﻻﺭﻧﻰ ﺋﺎﻣﯧﺮﯨﻜﺎﻧﯩﯔ ﻣﯘﮪﯩﻢ ﻣﻪﺧﭙﯩﻴﻪﺗﻠﯩﻜﻠﯩﺮﯨﻨﻰ ﺋﺎﺷﻜﺎﺭﯨﻼﺷﻘﺎ ﻗﯩﺴﺘﺎﻳﺪﯨﻜﻪﻥ.
ﺳﺎﺑﯩﻖ CIA ﺋﻪﻣﻪﻟﺪﺍﺭﻯ ﻛﻪﯞﯨﻦ ﻣﺎﻟﻠﻮﺭﻱ 2019-ﻳﯩﻠﻰ ﺧﯩﺘﺎﻳﻨﯩﯔ ﺑﯘ ﺗﻮﺯﯨﻘﯩﻐﺎ ﭼﯜﺷﯜﭖ ﻗﯧﻠﯩﭗ ﻗﻮﻟﻐﺎ ﺋﯧﻠﯩﻨﻐﺎﻥ ﯞﻩ 20 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻣﻪﮪﻜﯘﻡ ﻗﯩﻠﯩﻨﻐﺎﻥ.
ﺑﯘ ﻗﯧﺘﯩﻢ FBI ﻗﻮﻟﻐﺎ ﭼﯜﺷﯜﺭﮔﻪﻥ 13 ﺧﯩﺘﺎﻱ ﺷﯩﺮﻛﯩﺘﻰ، ﮪﻪﺗﺘﺎ ﺩﻭﻧﺎﻟﺪ ﺗﺮﺍﻣﭗ ﺋﯩﺸﺘﯩﻦ ﺑﻮﺷﺎﺗﻘﺎﻥ ﻣﯘﮪﯩﻢ ﺩﯙﻟﻪﺕ ﺧﺎﺩﯨﻤﻠﯩﺮﯨﻨﻰ «ﻣﻪﺳﻠﯩﮭﻪﺗﭽﯩﻠﯩﻚ»ﻛﻪ ﺗﻪﻛﻠﯩﭗ ﻗﯩﻠﻐﺎﻥ ﺋﯩﺸﻼﺭﻣﯘ ﺑﻮﻟﻐﺎﻥ.
ﻧﯚﯞﻩﺗﺘﻪ ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎﺩﺍ ﺧﯩﺘﺎﻳﻨﯩﯔ «ﻣﻪﺳﻠﯩﮭﻪﺕ ﺷﯩﺮﻛﯩﺘﻰ» ﻧﺎﻣﯩﺪﯨﻜﻰ 100 ﺩﯨﻦ ﺋﺎﺭﺗﯘﻕ ﻣﻪﺧﭙﯩﻲ ﺳﺎﻗﭽﻰ ﭘﻮﻧﻜﯩﺘﻠﯩﺮﯨﻨﯩﯔ ﻣﻪﯞﺟﯘﺩﻟﯩﻘﻰ ﺑﯩﺮﻗﺎﻧﭽﻪ ﻳﯩﻞ ﺋﯩﻠﮕﯩﺮﯨﻼ ﺋﺎﺷﻜﺎﺭﯨﻼﻧﻐﺎﻥ. ﺋﯘﻳﻐﯘﺭﻻﺭﻧﻰ ﺳﯧﺘﯩﯟﯦﻠﯩﺶ، ﻗﻮﺭﻗﯘﺗﯘﺵ ﻳﺎﻛﻰ ﮔﯚﺭﯛﮔﻪ ﺋﯧﻠﯩﻨﻐﺎﻥ ﺋﺎﺋﯩﻠﯩﺴﯩﻨﯩﯔ ﺑﯧﺴﯩﻤﻰ ﺑﯩﻠﻪﻥ ﺟﺎﺳﯘﺳﻠﯘﻗﻘﺎ ﺳﯧﻠﯩﺶ ﯞﻩ ﻣﯘﮪﺎﺟﯩﺮﻩﺗﺘﯩﻜﻰ ﻣﯩﻠﻠﯩﻲ ﺩﻩﯞﺍ ﺳﯧﭙﯩﺪﻩ ﻛﯚﺯﮔﻪ ﻛﯚﺭﯛﻥﮔﻪﻥ ﺷﻪﺧﺴﻠﻪﺭﻧﻰ ﭘﯩﺘﻨﻪ-ﺋﯩﻐﯟﺍﻻﺭ ﺑﯩﻠﻪﻥ ﺳﯧﺴﯩﺘﯩﺸﻘﺎ ﻣﻪﺟﺒﯘﺭﻻﺷﻤﯘ ﺋﯘﻻﺭﻧﯩﯔ ﺧﯩﺰﻣﻪﺕ ﻛﯜﻧﺘﻪﺭﺗﯩﺒﯩﺪﯨﻜﻰ ﺋﯩﺸﻼﺭﺩﯗﺭ.
