ﺧﯩﺘﺎﻱ ﺋﯘﻳﻐﯘﺭﻻﺭﻏﺎ ﻗﺎﻧﭽﯩﻠﯩﻚ ﺗﯚﻟﻪﻡ ﺗﯚﻟﻪﻳﺪﯗ؟
ﺷﻰ ﺟﯩﻨﭙﯩﯖﻨﯩﯔ ﺋﻪﯞﻻﺩﻟﯩﺮﯨﻨﯩﯔ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻘﺎ ﺋﯘﭼﺮﯨﻐﺎﻥ ﯞﻩ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻥ ﺋﯘﻳﻐﯘﺭﻻﺭﻏﺎ ﺗﯚﻟﻪﻡ ﺗﯚﻟﻪﻳﺪﯨﻐﺎﻥ ﺯﺍﻣﺎﻧﯩﻨﯩﯔ ﻗﺎﭽﺎﻥ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﻤﻪﻳﻤﯩﺰ. ﺋﻪﻣﻤﺎ، ﺧﯩﺘﺎﻱ ﻣﯘﺳﺘﻪﺑﯩﺖ ﮪﺎﻛﯩﻤﯩﻴﯩﺘﯩﻨﯩﯔ ﮪﺎﻣﺎﻥ ﺑﯩﺮ ﻛﯜﻧﻰ ﻳﯩﻤﯩﺮﯨﻠﯩﺪﯨﻐﺎﻧﻠﯩﻘﻰ، ﺑﯜﮔﯜﻥ ﮔﯧﺮﻣﺎﻧﻼﺭﻧﯩﯔ ﺑﯧﺸﯩﻐﺎ ﻛﻪﻟﮕﻪﻥ ﻛﯜﻧﻠﻪﺭﻧﯩﯔ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺑﯩﻠﻪﻥ ﻗﯘﻝ ﺋﻪﻣﮕﯩﻜﻰ ﻣﻪﺱﺋﯘﻟﯩﻴﯩﺘﯩﺪﯨﻦ ﺋﯚﺯﯨﻨﻰ ﻗﺎﭼﯘﺭﺍﻟﻤﺎﻳﺪﯨﻐﺎﻥ ﻛﻪﻟﮕﯜﺳﯩﺪﯨﻜﻰ ﺧﯩﺘﺎﻳﻼﺭﻧﯩﯔ ﺑﯧﺸﯩﻐﯩﻤﯘ ﻛﯧﻠﯩﺪﯨﻐﺎﻧﻠﯩﻘﯩﻐﺎ ﻣﯘﺗﻠﻪﻕ ﺋﯩﺸﯩﻨﯩﻤﯩﺰ.
ﺧﻪﯞﻩﺭﻟﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﮔﯧﺮﻣﺎﻧﯩﻴﻪﺩﯨﻜﻰ «ﺋﻪﺳﻠﻪﺵ، ﻣﻪﺱﺋﯘﻟﯩﻴﻪﺕ ﯞﻩ ﻛﻪﻟﮕﯜﺳﻰ ﻓﻮﻧﺪﻯ» ﻧﯩﯔ 2001-ﻳﯩﻠﯩﺪﯨﻦ 2007-ﻳﯩﻠﯩﻐﯩﭽﻪ 100 ﺩﯨﻦ ﺋﺎﺭﺗﯘﻕ ﺩﯙﻟﻪﺗﺘﯩﻜﻰ 1 ﻣﯩﻠﻴﻮﻥ 660 ﻣﯩﯔ ﺳﺎﺑﯩﻖ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻧﻼﺭ ﯞﻩ ﺋﯘﻻﺭﻧﯩﯔ ﻗﺎﻧﯘﻧﯩﻲ ﯞﺍﺭﯨﺴﻠﯩﺮﯨﻐﺎ ﺗﯚﻟﯩﮕﻪﻥ ﺗﯚﻟﯩﻤﻰ 4 ﻣﯩﻠﻴﺎﺭﺩ 400 ﻣﯩﻠﻴﻮﻥ ﻳﺎﯞﺭﻭﻏﺎ ﻳﻪﺗﻜﻪﻥ.
ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﮔﯧﺮﻣﺎﻧﻼﺭ ﮔﯧﺮﻣﺎﻧﯩﻴﻪﺩﻩ ﯞﻩ ﺋﯩﺸﻐﺎﻝ ﻗﯩﻠﻐﺎﻥ ﺭﺍﻳﻮﻧﻼﺭﺩﺍ ﺟﻪﻣﯩﻲ 26 ﻣﯩﻠﻴﻮﻥ ﺋﯩﻨﺴﺎﻧﻨﻰ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﺎﻟﻐﺎﻥ.»ﺋﻪﺳﻠﻪﺵ، ﻣﻪﺱﺋﯘﻟﯩﻴﻪﺕ ﯞﻩ ﻛﻪﻟﮕﯜﺳﻰ ﻓﻮﻧﺪﻯ» ﺋﻪﻳﻨﻰ ﭼﺎﻏﻼﺭﺩﺍ ﺑﯘ ﻣﻪﺟﺒﯘﺭﯨﻲ ﺋﻪﻣﮕﻪﻛﺘﯩﻦ ﻧﻪﭖ ﺋﺎﻟﻐﺎﻥ ﻳﺎﻛﻰ ﺋﯘﻧﯩﯖﻐﺎ ﺑﺎﻏﻠﯩﻨﯩﭗ ﻗﺎﻟﻐﺎﻥ 6500 ﺷﯩﺮﻛﻪﺗﺘﯩﻦ ﺟﻪﻣﯩﻲ 10 ﻣﯩﻠﻴﺎﺭﺩ 100 ﻣﯩﻠﻴﻮﻥ ﻳﺎﯞﺭﻭ ﭘﯘﻝ ﺋﺎﻟﻐﺎﻥ.
ﮔﯧﺮﻣﺎﻧﯩﻴﻪ ﮪﯚﻛﯜﻣﯩﺘﯩﻨﯩﯔ ﺯﺍﻣﺎﻧﯩﺪﺍ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻘﺎ ﺋﯘﭼﺮﯨﻐﺎﻧﻼﺭﻏﺎ ( ﺑﻮﻟﯘﭘﻤﯘ ﻳﻪﮪﯘﺩﯨﻼﺭﻏﺎ) ﮪﺎﺯﯨﺮﻏﺎ ﻗﻪﺩﻩﺭ ﻗﺎﻧﭽﯩﻠﯩﻚ ﭘﯘﻝ ﺗﯚﻟﯩﮕﻪﻧﻠﯩﻜﻰ ﻧﺎﻣﻪﻟﯘﻡ. ﺩﯗﻧﻴﺎ ﻣﯩﻘﻴﺎﺳﯩﺪﯨﻜﻰ 200 ﻣﯩﯔ ﻳﻪﮪﯘﺩﯨﻴﻨﯩﯔ ﺷﯘ ﺯﺍﻣﺎﻧﺪﯨﻜﻰ ﻣﻪﺟﺒﯘﺭﯨﻲ ﺋﻪﻣﮕﻪﻛﺘﯩﻦ ﺋﺎﻣﺎﻥ ﻗﺎﻟﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻤﺎﻗﺘﺎ.
ﺩﯦﻤﻪﻛﻜﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﮪﺎﻛﯩﻤﯩﻴﯩﺘﻰ ﻳﻮﻗﯘﻟﯘﭖ، ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻞ ﺩﯙﻟﯩﺘﻰ ﻗﯘﺭﯗﻟﻐﺎﻧﺪﺍ، ﺷﻰ ﺟﯩﻨﭙﯩﯖﻨﯩﯔ ﺋﯘﻳﻐﯘﺭ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﯩﻐﺎ ﭼﯧﺘﯩﻠﻐﺎﻥ ﺋﻪﯞﻻﺩﻟﯩﺮﯨﻨﯩﯔ ﯞﻩ ﺑﯜﮔﯜﻥ ﺋﯘﻳﻐﯘﺭﻻﺭﻧﻰ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﭗ، ﺋﯘﻻﺭﻧﯩﯔ ﻗﺎﻥ-ﺗﻪﺭﯨﺪﯨﻦ ﻧﻪﭖ ﺋﯧﻠﯩﯟﺍﺗﻘﺎﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ ﻛﯚﺭﯛﺩﯨﻐﺎﻥ ﻛﯜﻧﻰ ﺑﻮﻟﯩﺪﯨﻐﺎﻧﻠﯩﻘﻰ ﻣﻪﻟﯘﻡ.
