شى جىنپىڭنىڭ ئامېرىكا زىيارىتى مۇناسىۋېتى بىلەن 24-سىنتەبىر كۈنى ئامېرىكىدا ئۇيغۇر ئامېرىكا جەمىيىتى ئەزالىرى ۋە باشقا ئۇيغۇرلاردىن سىرت، يەنە تىبەتلەر، خوڭكوڭلۇقلار، فالۈڭوڭچىلار ھەمدە باشقا كىشىلىك ھوقۇق تەشكىلاتلىرىنىڭ ئوخشىمىغان جايلاردا كەڭ كۆلەملىك نامايىشلىرى ئېلىپ بېرىلدى. ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىممۇ بۇ نامايىشلارغا قاتنىشىپ، خىتاينىڭ ئىرقىي قىرغىنچىلىق جىنايەتلىرىنى ئەيىپلىدى.