ﺋﻪﺳﻠﯩﺪﻩ 70 ﺋﺎﻳﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻣﻪﮪﻜﯘﻡ ﻗﯩﻠﯩﻨﻐﺎﻥ ﺧﻮﯕﻜﻮﯕﻠﯘﻕ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﻰ ﺟﻮﺷﯘﺎ ﯞﻭﯓ (黄之锋) ﺟﺎﺯﺍ ﻣﯘﺩﺩﯨﺘﯩﻨﻰ ﻛﯧﻠﻪﺭ ﻳﯩﻠﻰ ﺗﺎﻣﺎﻣﻼﺵ ﺋﺎﻟﺪﯨﺪﺍ ﺗﯘﺭﻏﺎﻧﺪﺍ، ﻛﯜﺗﯜﻟﻤﯩﮕﻪﻥ ﭘﺎﻻﻛﻪﺗﻜﻪ ﻳﻮﻟﯘﻗﻘﺎﻥ.

ﺋﯘ ﺗﯜﺭﻣﯩﺪﻩ، ﺋﯚﺯﯨﻨﯩﯔ ﭘﯘﺗﯩﻐﺎ ﭘﺎﻟﺘﺎ ﭼﺎﭘﯩﺪﯨﻐﺎﻥ ﺑﯩﺮ ﺟﯩﻨﺎﻳﻪﺗﻨﻰ ﺋﯩﺘﯩﺮﺍﭖ ﻗﯩﻠﻐﺎﻥ. ﻳﻪﻧﻰ ﺧﯩﺘﺎﻱ ﺧﻮﯕﻜﻮﯕﺪﺍ «ﺩﯙﻟﻪﺕ ﺧﻪﯞﯨﭙﺴﯩﺰﻟﯩﻚ ﻗﺎﻧﯘﻧﻰ»ﻧﻰ ﻳﻮﻟﻐﺎ ﻗﻮﻳﻐﺎﻧﺪﺍ، ﺋﯘ ﭼﻪﺗﻪﻟﺪﯨﻜﻰ ﺩﻭﺳﺘﻠﯩﺮﻯ ﺑﯩﻠﻪﻥ ﺋﺎﻻﻗﯩﻠﯩﺸﯩﭗ، ﻏﻪﺭﺑﻨﯩﯔ ﺧﯩﺘﺎﻳﻐﺎ ﺟﺎﺯﺍ ﻳﯜﺭﮔﯜﺯﯨﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﮪﻪﻗﻘﯩﺪﻩ ﭘﯩﻜﯩﺮﻟﻪﺭﺩﻩ ﺑﻮﻟﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.

ﻓﺮﺍﻧﺴﯩﻴﻪ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺳﯩﻨﺘﻪﺑﯩﺮﻧﯩﯔ 2- ﻛﯜﻧﻰ ﺧﻮﯕﻜﻮﯕﺪﺍ ﺋﯚﺗﻜﯜﺯﯛﻟﮕﻪﻥ ﺳﻮﺗﺘﺎ، ﺟﻮﺷﯘﺎ ﯞﻭﯓ ﺑﯘ ﺧﯘﺳﯘﺳﺘﯩﻜﻰ ﺋﻪﻳﯩﭙﻠﻪﺷﻨﻰ ﺭﻩﺳﻤﯩﻲ ﺋﯩﺘﯩﺮﺍﭖ ﻗﯩﻠﻐﺎﻥ. ﺑﯘﻧﯩﯔ ﺑﯩﻠﻪﻥ، ﺋﯘﻧﯩﯔ ﺟﺎﺯﺍ ﻣﯘﺩﺩﯨﺘﯩﻨﯩﯔ ﺋﯘﺯﺍﺭﺗﯩﻠﯩﺪﯨﻐﺎﻧﻠﯩﻘﻰ، ﺑﻪﻟﻜﻰ ﺗﯧﺨﯩﻤﯘ ﺋﯧﻐﯩﺮﻟﯩﺸﯩﺪﯨﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ.

ﺧﯩﺘﺎﻱ ﺋﯘﻳﻐﯘﺭﻻﺭﻧﻰ ﺟﺎﺯﺍﻻﺷﻘﺎ ﻛﻪﻟﮕﻪﻧﺪﻩ، ﺋﯘﻧﯩﯔ ﺟﯩﻨﺎﻳﯩﺘﻰ ﺑﻮﻟﺴﯘﻥ-ﺑﻮﻟﻤﯩﺴﯘﻥ ﺧﺎﻟﯩﻐﺎﻧﭽﻪ ﺗﻮﻗﺎﻡ ﺗﯩﻜﯩﭗ ﺟﺎﺯﺍﻻﯞﯦﺮﯨﺪﯗ. ﭼﯜﻧﻜﻰ ﺋﯘﻧﯩﯔ ﺋﯘﻳﻐﯘﺭﻟﯘﻗﻰ ﺟﺎﺯﺍﻻﺵ ﺋﯜﭼﯜﻥ ﻳﯩﺘﻪﺭﻟﯩﻚ، ﺩﻩﭖ ﻗﺎﺭﯨﻠﯩﺪﯗ. ﺑﯩﺮﺍﻕ ﺧﻮﯕﻜﻮﯕﺪﻩﻙ ﺑﯩﺮ ﻳﻪﺭﺩﻩ ﺋﻪﺭﻛﯩﻨﻠﯩﻚ ﻳﻮﻟﯩﺪﯨﻜﻰ ﻛﯚﺭﻩﺷﻨﻰ «ﺟﯩﻨﺎﻳﻪﺕ» ﺩﻩﭖ ﺋﯩﺘﯩﺮﺍﭖ ﻗﯩﻠﯩﺶ، ﻳﺎﻟﻐﯘﺯ ﺋﯚﺯﯨﻨﻰ ﺋﯩﻨﻜﺎﺭ ﻗﯩﻠﯩﺶ ﺑﻮﻟﯘﭘﻼ ﻗﺎﻟﻤﺎﻱ، ﭘﯜﺗﯜﻧﻠﻪﻱ ﻧﺎﺑﯘﺕ ﻗﯩﻠﯩﺸﺘﯘﺭ. ﺑﯘ ﺑﻮﻟﺴﺎ، ﺧﯩﺘﺎﻳﻨﻰ ﺋﺎﯞﺍﺯﯨﻨﻰ ﺋﯚﭼﯜﺭﻣﻪﻛﭽﻰ ﺑﻮﻟﻐﺎﻥ ﺑﯩﺮﺳﯩﻨﻰ ﺧﺎﻟﯩﻐﺎﻧﭽﻪ ﻳﻮﻗﯩﺘﯩﺶ ﭘﯘﺭﺳﯩﺘﻰ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ. ﮪﺎﻟﺒﯘﻛﻰ، ﺧﯩﺘﺎﻳﻨﯩﯔ ﺗﯜﺭﻣﯩﻠﻪﺭﺩﯨﻜﻰ ﺳﯩﻴﺎﺳﯩﻲ ﻧﻪﻳﺮﻩﯕﻠﯩﺮﯨﮕﻪ ﺗﺎﻗﺎﺑﯩﻞ ﺗﯘﺭﯗﺵ ﮪﻪﻗﯩﻘﻪﺗﻪﻥ ﻗﯧﻴﯩﻦ.

ﺋﺎﻣﯧﺮﯨﻜﺎ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯧﺮﻯ ﺭﻭﺑﯩﻴﻮﻏﺎ ﺋﻮﺧﺸﯩﻐﺎﻥ ﻧﯘﺭﻏﯘﻧﻠﯩﻐﺎﻥ ﭼﻪﺕ ﺋﻪﻝ ﺩﯦﭙﻠﻮﻣﺎﺗﻠﯩﺮﻯ ﺋﯚﺯ ﺯﺍﻣﺎﻧﯩﺪﺍ ﺟﻮﺷﯘﺎ ﯞﻭﯕﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﺪﻯ ﺋﯘﻧﯩﯖﻐﺎ ﺋﯩﮕﻪ ﭼﯩﻘﯩﺶ-ﭼﯩﻘﺎﻟﻤﺎﺳﻠﯩﻘﻰ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ.