ياۋروپا ئىتتىپاقىنىڭ «ئىقتىسادىي يادرو قورالى» — «راكېتا ئاتار»
فرانسىيە ئاگېنتلىقىنىڭ بايانلىرىغا قارىغاندا، ياۋروپا ئىتتىپاقىنىڭ كىشىلەر تەرىپىدىن «راكېتا ئاتار» دەپ ئاتىلىدىغان كۈچلۈك بىر «ئىقتىسادىي يادرو قورالى» بار ئىكەن. ھازىرغا قەدەر ئىشلىتىلىپ باقمىغان بۇ سودا قورالى 2023-يىلى ئىجاد قىلىنغان. ئامېرىكا پرىزدېنتى گرېنلاند ماجراسى سەۋەبلىك ياۋروپا ئىتتىپاقىغا ئەزا 8 دۆلەتكە يەنە 10% لىك تاموجنا بېجى قويىدىغانلىقىنى ئېلان قىلغاندىن كېيىن، فرانسىيە پرىزدېنتى ماكرون بۇ قورالنى ئامېرىكىغا قارشى قوزغىتىشنى تەلەپ قىلغان.
ياۋروپا ئىتتىپاقىنىڭ «ئىقتىسادىي يادرو قورالى»دەپ ئاتالغان بۇ قورال، ئەسلىدە ياۋروپا ئىتتىپاقىنىڭ «مەجبۇرلاشقا قارشى تۇرۇش مېخانىزىمى»دىن ئىبارەت بولۇپ، «ياۋروپا ئىتتىپاقىغا ئەزا ھەرقانداق بىر دۆلەت، ئەگەر ئۈچۈنچى بىر دۆلەتنىڭ ئىقتىسادىي بېسىمىغا دۇچ كەلسە، بۇ قورالنى تەدبىقلاش» بەلگىلەنگەن. ئەگەر ئۇ تەدبىقلانسا، بېسىم ئىشلەتكۈچى دۆلەتنىڭ ياۋروپا ئىتتىپاقىدىكى مەبلىغىنى چەكلەش، ياۋروپا بازىرىغا كىرىشىنى چەكلەش، ئىمپورتنى چەكلەش» قاتارلىق كۈچلۈك تەدبىرلەر ئىجرا قىلىنىدىكەن.
بىراق، ياۋروپا ئىتتىپاقى «ئىقتىسادىي يادرو قورالى»نى ئىشقا سېلىشى ئۈچۈن پارلامېنتنىڭ تەستىقىدىن ئۆتكۈزىشى، پارلامېنت 65% ياۋروپا ئاھالىسىغا ۋەكىللىك قىلىدىغان 55% لىك ئاۋاز بىلەن ماقۇللىشى لازىم ئىكەن.
