رۇشەن خانىم ب د ت دا ئۇيغۇر ئاياللار ئۇچراۋاتقان زۇلۇملارنى ئاڭلاتتى
مارتنىڭ 16-كۈنى ب د ت ئاياللارنىڭ ئورنى كومىتېتىنىڭ 70-نۆۋەتلىك مۇنبىرىدا سۆز قىلغان ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىم، كەڭ يىغىن ئەھلىگە خىتاي دۆلىتى ئۇيغۇر ئاياللىرىغا قارىتا يۈرگۈزىۋاتقان رەقەملىق جىنسىي زوراۋانلىقنى ئاڭلاتتى.
ئۇ خىتاي كوممۇنىستىك پارتىيەسىنىڭ تارىختىكى ئەڭ ئىلغار جىنسىي زوراۋانلىق سىستېمىسىنى قانداق بەرپا قىلغانلىقىنى، بۇ سىستېمىنىڭ بىئومېتىرىيەلىك سانلىق مەلۇماتلار، يۈز تونۇش، نازارەت قىلىش ۋە ئالدىن پەرەز قىلىش دېتاللىرى ئارقىلىق ئۇيغۇر ئاياللىرىنى نازارەت قىلىش، كونتىرول قىلىش ۋە قاماققا ئېلىش ئۈچۈن قوللىنىلىۋاتقانلىقىنى ئوتتۇرىغا قويدى. ئۇ سۆزىدە، بۇ سىستېمىنىڭ تىبەتتە سىناق قىلىنىپ، شەرقىي تۈركىستاندا مۇكەممەللەشتۈرۈلۈپ، كېيىن خوڭكوڭغا كېڭەيگەنلىكى ۋە تەيۋەڭە تەھدىت سېلىۋاتقانلىقىنى ئىلگىرى سۈردى، شۇنداقلا بۇنىڭ باشقا دۆلەتلەرگە ئېكىسپورت قىلىنىۋاتقانلىقىنى، دۇنبيانىڭ بۇنىڭغا سۈكۈت قىلماسلىقى كېرەكلىكىنى تەكىتلىدى.
