رۇشەن خانىم ئامېرىكا پارلامېنتىدا دىنىي باستۇرۇشقا قارشى نۇتۇق سۆزلەيدۇ
يانۋارنىڭ 22-كۈنى ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىم ئامېرىكا پارلامېنتىدا «ئەركىنلىك ۋە ئىتتىپاقلىق: مەنىۋىي دېپلوماتلارنىڭ يۈكسىلىشى» دېگەن تېمىدا نۇتۇق سۆزلەيدۇ.
بۇ خەلقارالىق يىغىنغا دۇنيانىڭ ھەرقايسى ئەللىرىدىكى دىنىي رەھبەرلەر كېلىپ قاتنىشىدۇ ۋە مەنىۋىي دېپلوماتىيە ئارقىلىق تېنىچلىق، ئىنسانىي ھوقۇق، دىنىي ئىتىقاد ئەركىنلىكى توغرىسىدا مۇھاكىمىلەر ئېلىپ بارىدۇ..
خىتاي مۇستەبىت ھاكىمىيىتى ئۇيغۇر مۇسۇلمانلىرى، تىبەت بۇددىستلىرى، خىتاي خىرىستىيانلىرى ئۈستىدىن قاتتىق باستۇرۇش ئېلىپ بېرىۋاتقان بىر زاماندا چاقىرىلغان بۇ يىغىندا، ئوخشىمىغان ئىتىقاد ساھىپلىرى بىرلىشىپ، مۇستەبىت ھاكىمىيەتلەرنىڭ دىنىي زۇلۇملىرىغا قارشى ئىرادىلىرىنى نامايەن قىلىدۇ، ئىنسانلارنىڭ دىنىي ئىتىقاد ئەركىنلىكى ھوقۇقىنى قوغداش يولىدا تېرىشچانلىقلار كۆرسىتىدۇ.
