«مۇستەبىتلەر ئىتتىپاقى» ئامېرىكا ۋە ياۋروپانى بىئارام قىلماقتا
خىتاينىڭ تيەنجىن شەھرىدە ئۆتكۈزۈلگەن «شاڭخەي ھەمكارلىق تەشكىلاتى» يىغىنىغا ھەم بېيجىڭدا ئۆتكۈزۈلگەن پاراتقا 26 دۆلەتنىڭ ئىشتىراك قىلىشى ئامېرىكا ۋە ياۋروپا دۆلەتلىرىگە نىسپەتەن «دۇنيا تەرتىپىنىڭ ئۆزگۈرىدىغانلىقى ھەققىدە بېرىلگەن كۈچلۈك ئاگاھلاندۇرۇش سىگنالى» دەپ قارالماقتا.
بولۇپمۇ خىتاي، ھىندىستان، رۇسىيە ۋە ئىراندىن ئىبارەت 4 مۇستەبىت دۆلەتنىڭ بىر ئارىغا كېلىشى غەرب ئۈچۈن بىر تەھلىكە شەكىللەندۈرگەنلىكنىڭ ئىسپاتى سۈپىتىدە تىلغا ئېلىنماقتا. بۇنىڭدىن ئامېرىكانىڭمۇ، ياۋروپا ئىتتىپاقىنىڭمۇ بىئارام بولغانلىقى كۆرۈلمەكتە.
ياۋروپا ئىتتىپاقىنىڭ دېپلوماتىيە ۋە بىخەتەرلىك سىياسىتى ئالاھىدە ۋەكىلى كايا كاللاس 3-سىنتەبىر بۇ توغرۇلۇق قىلغان سۆزىدە، «بۇ مەۋجۇد تۈزۈمگە قارشى مۇستەبىتلەر ئىتتىپاقىنىڭ شەكىللەنگەنلىكىنى كۆرسىتىدۇ» دېگەن ھەمدە بۇ مۇستەبىت دۆلەتلەرنىڭ رۇسىيەنىڭ تاجاۋۇزىنى ئىزچىل قوللاپ، ئۇكرائىنادا قان تۆكۈلۈشنىڭ داۋاملىشىشىغا ھەسسە قېتىۋاتقانلىقىنى بايان قىلغان.
