خىتاي ئەنگىلىيە ئۇنىۋېرسىتېتلىرىدا ئۇيغۇر ئىرقىي قىرغىنچىلىقىنىڭ مۇزاكىرە قىلىنىشىغا توسقۇنلۇق قىلغان
ب ب س نىڭ 4-ئاۋغۇستتىكى خەۋەرلىرىدە بايان قىلىنىشىچە، خىتاي دائىرىلىرى ئەنگىلىيە ئۇنىۋېرسىتېتلىرىدىكى بەزى ئوقۇتقۇچىلارغا بېسىم قىلىپ، ئۇيغۇر ئىرقىي قىرغىنچىلىقىغا ئوخشاش نازۇك تېمىلاردا مۇنازىرە ۋە مۇزاكىرىلەرنىڭ بولۇشىغا قارشى تۇرغان. خىتاي يەنە ئەنگىلىيەدە ئوقىۋاتقان خىتاي ئوقۇغۇچىلارغا ئۆز ساۋاقداشلىرىنى نازارەت قىلىش ۋەزىپىسىنى يۈكلىگەن. خىتاي ئەنگىلىيە ئۇنىۋېرسىتېتلىرىدا خىزمەت قىلىۋاتقان خىتايلارنىڭ ئائىلە-تاۋابىئاتلىرىغا بېسىم قىلىپ، ئۇلارنىڭ نازۇك تېمىلارغا كىرىشىنىڭ ئالدىنى ئېلىشقا ئۇرۇنغان.
ھازىر ئەنگىلىيەنىڭ كۆپلىگەن ئۇنىۋېرسىتېتلىرىدا خىتاينىڭ يۇمشاق قولى بولغان «كوڭزى ئىنىستىتۇتلىرى» خىتاي ھاكىمىيىتى ئۈچۈن خىزمەت قىلماقتىكەن.
ئەنگىلىيە ئوقۇغۇچىلار ئىشلىرى ئىشخانىسى (Office for Students，OfS) بۇ ھەقتىكى مەلۇماتلارغا ئېرىشكەندىن كېيىن خىتايغا قاتتىق نارازىلىق بىلدۈرۈپ، ئەنگىلىيە ھۆكۈمىتىنىڭ بۇ ئىشقا قانۇنىي نۇقتىدىن ئارىلىشىشىنى تەلەب قىلغان.
