خىتاي خوڭكوڭدا دېموكراتىيەنى تەلتۆكۈس گۇمران قىلدى، 1-ئىيۇل خوڭكوڭنىڭ ماتەم كۈنىگە ئايلاندى
.
2019-يىللىرى «بۈگۈنكى شىنجاڭ-ئەتىكى خوڭكوڭ!» دەپ شۇئار توۋلىغان خوڭكوڭلۇقلارنىڭ بېشىغا ئۇلارنىڭ دېگەنلىرى كەلدى. خوڭكوڭلۇقلارمۇ شەرقىي تۈركىستانلىقلارغا ئوخشاش ئېغىر تەقىپ ۋە بېسىم ئاستىدا ياشاشقا باشلىدى.
.
بۈگۈن خوڭكوڭنىڭ خىتاينىڭ قوينىغا قايتىپ كەلگەنلىكىنىڭ 28-يىللىق خاتىرە كۈنى. ئىلگىرىكى يىللىرى بۇ كۈندە خوڭكوڭنى بايرام تەنتەنىسى قاپلاپ كەلگەن بولسىمۇ، 2020-يىلى خىتاي «دۆلەت خەۋىپسىزلىكى قانۇنى»نى يولغا قويغاندىن كېيىن، 7-ئاينىڭ 1-كۈنى خوڭكوڭ ماتەم تۈسىگە كىرىدىغان بىر كۈنگە ئايلانغان.
27-ئىيۇن خوڭكوڭدىكى ئەڭ ئاخىرقى دېموكراتىك پارتىيە بولغان «سوتسىيال دېموكراتلار فىرونتى» رەسمىي تارقالغانلىقىنى جاكارلىغان. بۇنىڭ بىلەن خوڭكوڭنىڭ دېموكراتىيە تارىخىغا تولۇق خاتىمە بېرىلگەن.
