ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺗﻪﻣﯩﻨﻠﻪﺵ ﺯﻩﻧﺠﯩﺮﻯ ﻗﺎﻧﯘﻧﻰ ﺯﻩﺋﯩﭙﻠﯩﻜﻜﻪ ﻳﯜﺯﻟﻪﻧﺪﻯ
ﺋﯘﻳﻐﯘﺭ ﻣﻪﺟﺒﯘﺭﯨﻲ ﺋﻪﻣﮕﯩﻜﻰ ﻣﻪﺳﯩﻠﯩﺴﻰ 2019-ﻳﯩﻠﯩﺪﯨﻦ ﺑﺎﺷﻼﭖ ﺧﻪﻟﻘﺎﺭﺍ ﺳﻪﮪﻨﯩﻠﻪﺭﺩﯨﻦ ﺋﻮﺭﯗﻥ ﺋﯧﻠﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ ﺋﯚﺯ ﺋﺎﻟﺪﯨﻐﺎ «ﺗﻪﻣﯩﻨﻠﻪﺵ ﺯﻩﻧﺠﯩﺮﻯ ﻗﺎﻧﯘﻧﻰ»ﻧﻰ ﺗﯜﺯﯛﭖ، ﻛﯩﺸﯩﻠﯩﻚ ﮪﻮﻗﯘﻕ، ﻣﻪﺟﺒﯘﺭﯨﻲ ﺋﻪﻣﮕﻪﻙ ﯞﻩ ﻛﯧﻠﯩﻤﺎﺕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﻩ ﻗﯩﻠﯩﺸﻘﺎﻥ ﺋﯩﺪﻯ. ﺋﻪﻣﻤﺎ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﯩﺮﻟﯩﻜﻜﻪ ﻛﻪﻟﮕﻪﻥ «ﺗﻪﻣﯩﻨﻠﻪﺵ ﺯﻩﻧﺠﯩﺮﻯ ﻗﺎﻧﯘﻧﻰ» ﻳﻮﻕ ﺋﯩﺪﻯ.
ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ 2024-ﻳﯩﻠﻰ ﺗﯘﻧﺠﻰ ﻗﯧﺘﯩﻢ «ﺗﻪﻣﯩﻨﻠﻪﺵ ﺯﻩﻧﺠﯩﺮﻯ ﻗﺎﻧﯘﻧﻰ»ﻧﻰ 27 ﺋﻪﺯﺍ ﺩﯙﻟﻪﺗﻨﯩﯔ ﻗﻮﻟﻠﯩﺸﻰ ﺑﯩﻠﻪﻥ ﻣﺎﻗﯘﻟﻠﯩﻐﺎﻥ ﺑﻮﻟﺴﯩﻤﯘ، ﺋﯘﻧﯩﯔ ﺋﯩﺠﺮﺍﺳﻰ ﻛﯧﭽﯩﻜﺘﯜﺭﯛﻟﮕﻪﻥ. ﺋﺎﺭﻗﯩﺪﯨﻦ ﻳﻪﻧﻪ ﺑﯩﺮ ﻧﯚﯞﻩﺕ ﻛﯧﭽﯩﻜﺘﯜﺭﯨﻠﯩﭗ، 2028-ﻳﯩﻠﻰ 7-ﺋﺎﻳﻨﯩﯔ 26-ﻛﯜﻧﯩﺪﯨﻦ ﺑﺎﺷﻼﭖ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ «ﺗﻪﻣﯩﻨﻠﻪﺵ ﺯﻩﻧﺠﯩﺮﻯ ﻗﺎﻧﯘﻧﻰ»ﻧﻰ ﺋﯚﺯ ﺩﯙﻟﻪﺗﻠﯩﺮﯨﻨﯩﯔ ﺭﻩﺳﻤﯩﻲ ﻗﺎﻧﯘﻧﻠﯩﺮﯨﻐﺎ ﺋﺎﻳﻼﻧﺪﯗﺭﯗﺵ ﺑﻪﻟﮕﯩﻠﻪﻥﮔﻪﻥ.
ﺩﯦﻜﺎﺑﯩﺮﻧﯩﯔ 16-ﻛﯜﻧﻰ ﺷﯩﺘﺮﺍﺳﺒﯘﺭﮔﺪﺍ ﺋﯧﻠﯩﻨﻐﺎﻥ ﻗﺎﺭﺍﺭﻏﺎ ﻗﺎﺭﯨﻐﺎﻧﺪﺍ، ﻳﺎﯞﺭﻭﭘﺎ ﺋﯩﺘﺘﭙﺎﻗﯩﻨﯩﯔ ﻣﻪﺯﻛﯘﺭ ﻗﺎﻧﯘﻧﻰ ﺋﯩﺸﭽﯩﻠﯩﺮﯨﻨﯩﯔ ﺳﺎﻧﻰ 5000 ﻛﯩﺸﯩﺪﯨﻦ ﺋﺎﺷﻘﺎﻥ، ﻛﯧﺮﯨﻤﻰ 1 ﻣﯩﻠﻴﺎﺭﺩ 500 ﻣﯩﻠﻴﻮﻥ ﻳﺎﯞﺭﻭﻏﺎ ﻳﻪﺗﻜﻪﻥ ﺷﯩﺮﻛﻪﺗﻠﻪﺭﮔﻪ ﻗﺎﺭﯨﺘﺎ ﻛﯜﭼﻜﻪ ﺋﯩﮕﻪ. ﺋﻪﺳﻠﯩﺪﯨﻜﻰ، ﺋﯩﺸﭽﯩﻠﯩﺮﯨﻨﯩﯔ ﺳﺎﻧﻰ 1000 ﻛﯩﺸﯩﺪﯨﻦ ﺋﺎﺷﻘﺎﻥ، ﻛﯧﺮﯨﻤﻰ 450 ﻣﯩﻠﻴﻮﻥ ﻳﺎﯞﺭﻭﻏﺎ ﻳﻪﺗﻜﻪﻥ ﺷﯩﺮﻛﻪﺗﻠﻪﺭﮔﻪ ﺗﻪﺩﺑﯩﻘﻠﯩﻨﯩﺪﯨﻐﺎﻥ ﻗﯩﺴﻤﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.
ﺑﯘ ﺩﯦﮕﻪﻧﻠﯩﻚ، ﭼﻮﯓ ﺷﯩﺮﻛﻪﺗﻠﻪﺭ ﻛﯩﺸﯩﻠﯩﻚ ﮪﻮﻗﯘﻕ، ﻣﻪﺟﺒﯘﺭﯨﻲ ﺋﻪﻣﮕﻪﻙ ﯞﻩ ﻛﯧﻠﯩﻤﺎﺕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﻤﯩﺴﻪ ﺑﻮﻟﻤﺎﻳﺪﯗ، ﻛﯩﭽﯩﻚ ﺷﯩﺮﻛﻪﺗﻠﻪﺭ ﻧﯩﻤﻪ ﻗﯩﻠﺴﺎ ﻣﻪﻳﻠﻰ، ﺩﯦﮕﻪﻧﺪﻩﻙ ﻣﻪﻧﺎﻏﺎ ﺋﯩﮕﻪ.
ﺷﯩﺘﺮﺍﺳﺒﯘﺭﮔﺪﯨﻜﻰ ﻳﯩﻐﯩﻨﺪﺍ ﻣﻪﺟﺒﯘﺭﯨﻲ ﺋﻪﻣﮕﻪﻙ ﯞﻩ ﻛﯩﺸﯩﻠﯩﻚ ﮪﻮﻗﯘﻗﻰ ﺩﻩﭘﺴﻪﻧﺪﻩ ﻗﯩﻠﯩﻨﻐﺎﻥ ﺑﻪﺯﻯ ﺋﺎﻓﺮﯨﻘﺎ ﺋﻪﻟﻠﯩﺮﻯ ﺳﺎﻧﺎﭖ ﺋﯚﺗﯜﻟﮕﻪﻥ ﺑﻮﻟﺴﯩﻤﯘ، ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻘﺎ ﺋﯘﭼﺮﺍﯞﺍﺗﻘﺎﻥ ﯞﻩ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭﻻﺭ ﺗﯩﻠﻐﺎ ﺋﯧﻠﯩﻨﻤﯩﻐﺎﻥ. ﺋﯘﻳﻐﯘﺭ ﻣﻪﺟﺒﯘﺭﯨﻲ ﺋﻪﻣﮕﯩﻜﯩﮕﻪ ﭼﯧﺘﯩﺸﻠﯩﻖ ﺗﺎﯞﺍﺭﻻﺭ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺩﺍﯞﺍﻣﻠﯩﻖ ﺋﺎﻗﻤﺎﻗﺘﺎ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺧﯩﺘﺎﻳﻐﺎ ﻛﯜﭼﯜﻛﻠﯩﻨﯩﺪﯨﻐﺎﻥ ﺩﻩﯞﺭﻯ ﺋﯘﻧﭽﻪ ﺗﯩﺰ ﺋﺎﺧﯩﺮﻻﺷﻤﯩﻐﯘﺩﻩﻙ.
