„ﺩﯗﻧﻴﺎ ﺋﺎﻳﺎﻟﻼﺭ ﺑﺎﻳﺮﯨﻤﻰ“ ﻛﯜﻧﻰ ﺋﯘﻳﻐﯘﺭ ﺋﺎﻳﺎﻟﻠﯩﺮﻯ ﺩﯗﭺ ﻛﻪﻟﮕﻪﻥ ﺯﯗﻟﯘﻣﻼﺭ ﺑﺎﻳﺎﻥ ﻗﯩﻠﯩﻨﺪﻯ
ﺋﯘﻳﻐﯘﺭ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺑﯩﻠﻪﻥ ﺋﯩﺴﻼﻡ ﮪﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﮪﯩﻨﺪﻭﻧﯩﺰﯨﻴﻪ ﻳﺎﺷﻼﺭ ﺑﯩﺮﻟﯩﻜﻰ 8-ﻣﺎﺭﺕ ﮪﻪﻣﻜﺎﺭﻟﯩﺸﯩﭗ ﺗﻮﺭ ﺋﺎﺭﻗﯩﻠﯩﻖ ﺋﯚﺗﻜﯜﺯﮔﻪﻥ „ﺭﺍﻣﯩﺰﺍﻧﻠﯩﻖ ﭘﺎﺋﺎﻟﯩﻴﻪﺕ“ﺗﻪ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻳﺎﻟﻠﯩﺮﻯ ﺋﯘﭼﺮﺍﯞﺍﺗﻘﺎﻥ ﮪﻪﻗﺴﯩﺰﻟﯩﻘﻼﺭ ﯞﻩ ﺧﻮﺭﻟﯘﻗﻼﺭ ﺋﺎﺳﺎﺳﯩﻲ ﺗﯧﻤﺎ ﻗﯩﻠﯩﻨﺪﻯ.
ﻳﯜﺯﮔﻪ ﻳﯧﻘﯩﻦ ﻛﯩﺸﻰ ﻗﺎﺗﻨﺎﺷﻘﺎﻥ ﺑﯘ ﭘﺎﺋﺎﻟﯩﻴﻪﺗﺘﻪ، ﺋﯘﻳﻐﯘﺭ ﮪﻪﺭﯨﻜﯩﺘﻰ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﺭﯗﺷﻪﻥ ﺋﺎﺑﺒﺎﺱ ﺧﺎﻧﯩﻢ „8-ﻣﺎﺭﺕ ﺩﯗﻧﻴﺎ ﺋﺎﻳﺎﻟﻼﺭ ﺑﺎﻳﺮﯨﻤﻰ“ ﻛﯜﻧﯩﺪﻩ، ﮪﻪﺩﯨﺴﻰ ﮔﯜﻟﺸﻪﻥ ﺋﺎﺑﺒﺎﺳﻘﺎ ﺋﻮﺧﺸﺎﻳﺪﯨﻐﺎﻥ ﻣﯩﻠﻴﻮﻧﻠﯩﻐﺎﻥ ﺋﯘﻳﻐﯘﺭ ﺋﺎﻳﺎﻟﻠﯩﺮﻯ ﺩﯗﭼﺎﺭ ﺑﻮﻟﯩﯟﺍﺗﻘﺎﻥ ﭘﺎﺟﯩﺌﻪﻟﯩﻚ ﻗﯩﺴﻤﻪﺗﻠﻪﺭﻧﻰ ﺋﺎﯕﻼﺗﺘﻰ. ﺷﯘﻧﺪﺍﻗﻼ، ﺋﯘﻳﻐﯘﺭ ﺋﺎﻳﺎﻟﻠﯩﺮﯨﻨﯩﯔ ﮪﻪﻕ-ﮪﻮﻗﯘﻗﯩﻨﻰ ﻗﻮﻏﺪﺍﺵ ﻣﻪﻗﺴﯩﺪﯨﺪﻩ 2025-ﻳﯩﻠﻰ ﻧﻮﻳﺎﺑﯩﺮﺩﺍ ﻗﻮﺑﯘﻝ ﻗﯩﻠﯩﻦﻏﺎﻥ „ﺑﯧﺮﻟﯩﻦ ﺧﯩﺘﺎﺑﻨﺎﻣﯩﺴﻰ“ﻧﯩﯔ ﮪﻪﺭﯨﻜﻪﺕ ﭘﺮﻭﮔﺮﺍﻣﻤﯩﺴﯩﺪﯨﻦ ﻣﻪﻟﯘﻣﺎﺗﻼﺭ ﺑﻪﺭﺩﻯ.
20 ﺧﯩﻞ ﺗﯩﻠﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ، 250 ﺗﯩﻦ ﺋﺎﺭﺗﯘﻕ ﺗﻪﺷﻜﯩﻼﺕ ﯞﻩ ﺷﻪﺧﺴﻨﯩﯔ ﻗﻮﻟﻼﭖ ﺋﯩﻤﺰﺍ ﺋﯧﺘﯩﺸﯩﻐﺎ ﺋﯧﺮﯨﺸﻜﻪﻥ „ﺑﯧﺮﻟﯩﻦ ﺧﯩﺘﺎﺑﻨﺎﻣﯩﺴﻰ“ ﺋﯘﻳﻐﯘﺭ ﺋﺎﻳﺎﻟﻠﯩﺮﯨﻨﯩﯔ ﺋﯩﻨﺴﺎﻧﯩﻲ ﮪﻮﻗﯘﻗﻰ ﯞﻩ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻨﻰ ﻗﻮﻏﺪﺍﺵ ﺗﻮﻏﺮﯨﺴﯩﺪﯨﻜﻰ ﻣﯘﮪﯩﻢ ﺧﻪﻟﻘﺎﺭﺍﻟﯩﻖ ﭼﺎﻗﯩﺮﯨﻖ ﺋﯩﺪﻯ.
