ﺧﯩﺘﺎﻱ ﻏﻪﺭﺑﻨﯩﯔ ﺳﯜﺗﯩﻨﻰ ﭼﻪﻛﻠﻪﭖ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺳﯜﺗﯩﻨﻰ ﺋﯩﻤﯩﺸﻜﻪ ﻳﯜﺯﻟﻪﻧﺪﻯ
ﺧﯩﺘﺎﻱ 23-ﺩﯦﻜﺎﺑﯩﺮﺩﯨﻦ ﺋﯩﺘﯩﺒﺎﺭﻩﻥ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺩﯙﻟﻪﺗﻠﯩﺮﯨﻨﯩﯔ ﺳﯜﺕ ﻣﻪﮪﺴﯘﻻﺗﻠﯩﺮﯨﻐﺎ 42،7% ﻟﯩﻚ ﺑﺎﺝ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﯘﭖ، ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻳﻨﻰ ﺳﯜﺗﻠﯜﻙ ﻣﻪﮪﺴﯘﻻﺗﻼﺭ ﺑﯩﻠﻪﻥ ﺗﻪﻣﯩﻨﻠﻪﯞﺍﺗﻘﺎﻥ ﮔﯧﺮﻣﺎﻧﯩﻴﻪ، ﻓﺮﺍﻧﺴﯩﻴﻪ، ﮔﻮﻟﻼﻧﺪﯨﻴﻪ، ﺋﯩﺘﺎﻟﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﻰ ﺋﯧﻐﯩﺮ ﯞﻩﺯﯨﻴﻪﺗﺘﻪ ﻗﻮﻳﺪﻯ. ﺑﯘﻧﯩﯖﺪﯨﻦ ﺋﯩﻠﮕﯩﺮﻯ، ﺧﯩﺘﺎﻱ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﻨﯩﯔ ﭼﻮﺷﻘﺎ ﮔﯚﺷﻰ ﻣﻪﮪﺴﯘﻻﺗﻠﯩﺮﯨﻐﺎ ﺑﺎﺝ ﻗﻮﻳﯘﭖ، ﻧﺎﺭﺍﺯﯨﻠﯩﻖ ﻗﻮﺯﻏﯩﻐﺎﻥ ﺋﯩﺪﻯ. ﺧﯩﺘﺎﻳﻨﯩﯔ ﺑﯘ ﺳﯩﻴﺎﺳﯩﺘﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺧﯩﺘﺎﻱ ﺋﺎﭘﺘﻮﻣﻮﺑﯧﻠﻠﯩﺮﯨﻐﺎ ﻗﻮﻳﯩﯟﺍﺗﻘﺎﻥ ﺗﺎﻣﻮﺟﻨﺎ ﺑﯧﺠﯩﺪﯨﻦ ﺋﯚﭺ ﺋﯧﻠﯩﺶ ﮪﻪﺭﯨﻜﯩﺘﯩﻨﯩﯔ ﺑﯩﺮﻗﯩﺴﻤﻰ ﺳﺎﻧﯩﻼﺗﺘﻰ.
ﺋﯘﻧﺪﺍﻗﺘﺎ، ﺧﯩﺘﺎﻱ ﮔﯚﺵ ﯞﻩ ﺳﯜﺗﻠﯜﻙ ﻣﻪﮪﺴﯘﻻﺗﻼﺭﻏﺎ ﺑﻮﻟﻐﺎﻥ ﺋﯩﮭﺘﯩﻴﺎﺟﯩﻨﻰ ﻗﺎﻧﺪﺍﻕ ﻗﺎﻣﺪﺍﻳﺪﯗ؟
ﺧﯩﺘﺎﻳﻨﯩﯔ ﺋﺎﻟﺪﯨﻨﻘﻰ ﻳﯩﻠﯩﺪﯨﻦ ﺑﺎﺷﻼﭘﻼ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﮪﻪﻡ ﻳﯧﺰﺍ ﺋﯩﮕﯩﻠﯩﻚ ﻣﻪﮪﺴﯘﻻﺗﻠﯩﺮﻯ ﺑﺎﺯﯨﺴﯩﻐﺎ (ﺋﺎﺳﺎﺳﻠﯩﻘﻰ ﺋﺎﺷﻠﯩﻖ ﺑﺎﺯﯨﺴﯩﻐﺎ)، ﮪﻪﻡ ﭼﻮﺷﻘﺎ ﮔﯚﺷﻰ ﺑﺎﺯﯨﺴﯩﻐﺎ ﺋﺎﻳﻼﻧﺪﯗﺭﯗﺷﻘﺎ ﺗﯘﺗﯘﺵ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﯩﻤﯩﺰ. ﺧﯩﺘﺎﻳﻨﯩﯔ ﺯﯗﯞﺍﻧﻰ ﺑﻮﻟﻐﺎﻥ «ﺷﯩﻨﺠﺎﯓ ﮔﯧﺰﯨﺘﻰ» ﯞﻩ «ﺗﻪﯕﺮﯨﺘﺎﻍ ﺗﻮﺭﻯ»ﻧﯩﯔ 24-ﺩﯦﻜﺎﺑﯩﺮﺩﯨﻜﻰ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﺸﯩﭽﻪ، 2026-ﻳﯩﻠﯩﺪﯨﻦ ﺑﺎﺷﻼﭖ ﺧﯩﺘﺎﻳﻨﯩﯔ ﺋﯩﺸﻠﻪﭘﭽﯩﻘﯩﺮﯨﺶ-ﻗﯘﺭﯗﻟﯘﺵ ﺋﻪﺗﺮﯨﺘﻰ ﻳﯧﯖﯩﺪﯨﻦ ﺋﯩﺠﺎﺩ ﻗﯩﻠﻐﺎﻥ، ﺳﺎﻗﻼﺵ ﻣﯘﺩﺩﯨﺘﻰ 21 ﻛﯜﻥﮔﻪ ﻳﯧﺘﯩﺪﯨﻐﺎﻥ، ﺧﯩﺘﺎﻱ ﺑﻮﻳﯩﭽﻪ ﺋﻮﺯﯗﻗﻠﯘﻕ ﻗﯩﻤﻤﯩﺘﻰ ﺋﻪﯓ ﻣﻮﻝ ﺑﻮﻟﻐﺎﻥ ﻳﯘﻗﯩﺮﻯ ﺳﯜﭘﻪﺗﻠﯩﻚ ﭘﺎﺳﺘﯧﺮﻻﻧﻐﺎﻥ ﺳﯜﺗﻨﻰ ﺑﺎﺯﺍﺭﻏﺎ ﺳﯧﻠﯩﺸﻘﺎ ﺑﺎﺷﻼﻳﺪﯨﻜﻪﻥ.
ﺩﯦﻤﻪﻛﻜﻰ، ﺧﯩﺘﺎﻱ ﻏﻪﺭﺑﻨﯩﯔ ﮔﯚﺵ ﻣﻪﮪﺴﯘﻻﺗﻠﯩﺮﻯ ﯞﻩ ﺳﯜﺕ ﻣﻪﮪﺴﯘﻻﺗﻠﯩﺮﯨﻨﻰ ﭼﻪﻛﻠﻪﺷﺘﯩﻦ ﺋﯩﻠﮕﯩﺮﻯ، ﻳﻪﻳﺪﯨﻐﺎﻥ ﮔﯚﺷﯩﻨﯩﯔ، ﺳﯧﻐﯩﭗ ﺋﯩﭽﯩﺪﯨﻐﺎﻥ ﺳﯜﺗﯩﻨﯩﯔ ﺋﻮﺭﻧﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﮪﺎﺯﯨﺮﻻﭖ ﺑﻮﻟﻐﺎﻥ ﺋﯩﻜﻪﻥ.
ﺧﯩﺘﺎﻱ ﺋﻪﻣﻤﯩﮕﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻛﺎﻟﯩﺴﻰ ﻗﺎﻟﻐﺎﻧﻤﯩﺘﻰ؟
