ﺧﯩﺘﺎﻱ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﻰﻏﺎ ﮪﯩﻨﺪﯨﺴﺘﺎﻥ ﺋﯜﺳﺘﯩﺪﯨﻦ ﺋﻪﺭﺯ ﻗﯩﻠﻐﺎﻥ
ﮪﯩﻨﺪﯨﺴﺘﺎﻥ ﻛﯚﺭﯛﻧﯩﺸﺘﻪ ﮪﻪﻡ ﺋﺎﻣﯧﺮﯨﻜﺎ، ﮪﻪﻡ ﺭﯗﺳﯩﻴﻪ، ﮪﻪﻡ ﺧﯩﺘﺎﻱ ﺑﯩﻠﻪﻥ ﻧﻮﺭﻣﺎﻝ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺩﺍﯞﺍﻡ ﻗﯩﻠﺪﯗﺭﯨﯟﺍﺗﻘﺎﻥ ﺑﯩﺮ ﺩﯙﻟﻪﺕ. ﺋﻪﻣﻤﺎ ﺩﯛﺷﻤﯩﻨﻰ ﺑﯩﻠﻪﻥ ﺩﻭﺳﺘﯩﻨﯩﯔ ﭘﻪﺭﻗﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ، ﺑﯜﮔﯜﻧﻜﻰ ﺧﻪﻟﻘﺎﺭﺍ ﯞﻩﺯﯨﻴﻪﺗﻜﻪ ﻳﺎﺭﯨﺸﺎ ﺋﻪﯓ ﻣﯘﯞﺍﭘﯩﻖ ﻳﻮﻝ ﺗﯘﺗﯘﭖ، ﺋﯚﺯ ﺩﯙﻟﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻘﺎ ﺗﯧﺮﯨﺸﯩﯟﺍﺗﻘﺎﻥ، ﺗﯩﺰ ﻳﯜﻛﺴﯩﻠﯩﯟﺍﺗﻘﺎﻥ ﺑﯩﺮ ﺩﯙﻟﻪﺕ.
ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ 23-ﺩﯦﻜﺎﺑﯩﺮ ﺟﻪﻧﯟﻩﺩﯨﻦ ﺑﻪﺭﮔﻪﻥ ﻣﻪﻟﯘﻣﺎﺗﻠﯩﺮﯨﻐﺎ ﻛﯚﺭﻩ، ﮪﯩﻨﺪﯨﺴﺘﺎﻥ 2022-ﻳﯩﻠﯩﺪﯨﻦ ﺑﺎﺷﻼﭖ ﺧﯩﺘﺎﻳﻨﯩﯔ ﻛﯜﻧﺘﺎﺧﺘﺎ، ﺑﺎﺗﺎﺭﯨﻴﻪ ﯞﻩ ﺑﺎﺷﻘﺎ ﺋﯧﻨﯩﺮﮔﯩﻴﻪ ﻣﻪﮪﺴﯘﻻﺗﻠﯩﺮﯨﻐﺎ 25% ﺗﯩﻦ 40% ﮔﯩﭽﻪ ﺑﺎﺝ ﻗﻮﻳﯘﺵ ﺳﯩﻴﺎﺳﯩﺘﻰ ﻳﯜﺭﮔﯜﺯﯛﭖ ﻛﻪﻟﮕﻪﻥ ﺑﻮﻟﯘﭖ، ﺑﯘ ﺗﻪﺩﺑﯩﺮﻧﻰ ﻧﯚﯞﻩﺗﺘﻪ ﺧﯩﺘﺎﻳﻨﯩﯔ ﻳﯘﻣﺘﺎﻝ ﯞﻩ ﺳﯜﻥﺋﯩﻲ ﺋﻪﻗﯩﻞ ﺳﺎﮪﻪﺳﯩﮕﯩﭽﻪ ﻛﯧﯖﻪﻳﺘﻜﻪﻥ. ﮪﯩﻨﺪﯨﺴﺘﺎﻧﻨﯩﯔ ﺧﯩﺘﺎﻱ ﻣﻪﮪﺴﯘﻻﺗﻠﯩﺮﯨﻐﺎ ﺗﺎﻳﯩﻨﯩﺸﺘﯩﻦ ﻗﻮﻝ ﺋﯜﺯﯛﺵ ﺋﯜﭼﯜﻥ ﻗﻮﻟﻠﯩﻨﯩﯟﺍﺗﻘﺎﻥ ﺑﯘ ﺳﯩﻴﺎﺳﯩﺘﻰ، ﺧﯩﺘﺎﻱ ﻣﻪﮪﺴﯘﻻﺗﻠﯩﺮﯨﻨﯩﯔ ﺗﻪﻧﻨﻪﺭﻗﯩﻨﯩﯔ ﺋﯚﺭﻟﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ ﯞﻩ ﺧﯩﺘﺎﻳﻨﯩﯔ ﺗﯩﺠﺎﺭﯨﺘﯩﮕﻪ ﺳﻪﻟﺒﯩﻲ ﺗﻪﺳﯩﺮﻟﻪﺭ ﻛﯚﺭﺳﻪﺗﻜﻪﻥ.
ﺧﯩﺘﺎﻱ ﮪﺎﻛﯩﻤﯩﻴﯩﺘﻰ ﮪﯩﻨﺪﯨﺴﺘﺎﻧﻨﯩﯔ ﺑﯘ ﺳﯩﻴﺎﺳﯩﺘﯩﻨﻰ «ﻛﻪﻣﺴﯩﺘﯩﺶ ﺧﺎﺭﺍﻛﺘﯧﺮﻟﯩﻖ ﺗﻪﺩﺑﯩﺮ» ﺩﻩﭖ ﺋﺎﺗﺎﭖ، ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﻰ (WTO)ﻏﺎ ﺋﻪﺭﺯ ﻗﯩﻠﻐﺎﻥ. ﺋﻪﺭﺯﺩﻩ، ﺋﻪﮔﻪﺭ ﮪﯩﻨﺪﯨﺴﺘﺎﻥ 6 ﺋﺎﻳﻐﯩﭽﻪ ﺑﯘ ﺗﻪﺩﺑﯩﺮﻧﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻣﯩﺴﺎ، ﺭﻩﺳﻤﯩﻲ ﺳﻮﺗﻘﺎ ﺑﯧﺮﯨﺪﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.
ﺑﯩﺮﺍﻕ ﮪﯩﻨﺪﯨﺴﺘﺎﻥ ﺑﯘﻧﺪﺍﻕ ﭘﻮﭘﯘﺯﯨﻼﺭﻏﺎ ﺋﯩﺮﻩﻥ ﻗﯩﻠﯩﺪﯨﻐﺎﻧﺪﻩﻙ ﺋﻪﻣﻪﺱ. ﺧﯩﺘﺎﻳﻨﯩﯔ ﺋﯩﺠﺘﯩﻤﺎﺋﯩﻲ ﺗﺎﺭﺍﺗﻘﯘﻟﯩﺮﯨﻨﻰ ﮪﯩﻨﺪﯨﺴﺘﺎﻧﺪﺍ ﭼﻪﻛﻠﯩﮕﻪﻧﺪﯨﻤﯘ، ﺧﯩﺘﺎﻱ ﻣﯘﺷﯘﻧﺪﺍﻕ ﭘﻮﭘﯘﺯﯨﻼﺭ ﺑﯩﻠﻪﻥ ﺑﯩﺮ ﻣﻪﺯﮔﯩﻞ ﭘﺎﻻﻗﺸﯩﭗ ﺑﯧﻘﯩﭗ، ﻳﻪﻧﻪ ﺟﯩﻤﯩﭗ ﻗﺎﻟﻐﺎﻥ.
