ﺋﺎﻟﺪﻯ ﺑﯩﻠﻪﻥ ﻣﯩﻠﻠﻪﺗﻨﯩﯔ ﻣﯧﯖﯩﺴﯩﻨﻰ ﺋﯚﻟﺘﯜﺭﯛﺵ — ﻣﯘﺳﺘﻪﺑﯩﺘﻠﻪﺭﻧﯩﯔ ﺋﻮﺭﺗﺎﻕ ﺗﺎﻛﺘﯧﻜﯩﺴﻰ
ﺑﯘﻧﺪﯨﻦ ﺩﻩﻝ 86 ﻳﯩﻞ ﺋﯩﻠﮕﯩﺮﻯ ﺳﻮﯞﯦﺖ ﺋﺎﺭﻣﯩﻴﯩﺴﻰ ﭘﻮﻟﺸﺎﻧﻰ ﺋﯩﺸﻐﺎﻝ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﯩﺴﺘﺎﻟﯩﻦ ﺳﻮﯞﯦﺖ ﻣﻪﺧﭙﯩﻲ ﺳﺎﻗﭽﯩﻠﯩﺮﻯ (NKVD)ﻏﺎ ﺋﺎﻟﺪﻯ ﺑﯩﻠﻪﻥ ﭘﻮﻟﺸﺎﺩﯨﻜﻰ ﺋﻪﯓ ﻗﺎﺑﯩﻠﯩﻴﻪﺗﻠﯩﻚ ﺋﯩﻨﺴﺎﻧﻼﺭﻧﻰ ﺗﯘﺗﻘﯘﻥ ﻗﯩﻠﯩﺶ ﺑﯘﻳﺮﯗﻗﻰ ﺑﻪﺭﮔﻪﻥ. ﺋﯘﻧﯩﯔ ﻣﻪﻗﺴﯩﺪﻯ، ﭘﻮﻟﻪﻛﻠﻪﺭﻧﯩﯔ ﻣﯧﯖﯩﺴﻰ ﺑﻮﻟﻐﺎﻥ ﺯﯨﻴﺎﻟﯩﻠﯩﺮﯨﻨﻰ ﺑﺎﺷﺘﺎ ﻛﯚﺯﺩﯨﻦ ﻳﻮﻗﯩﺘﯩﭗ، ﯞﯗﺟﯘﺩﯨﺪﺍ ﺳﻮﯞﯦﺖ ﺗﺎﺟﺎﯞﯗﺯﭼﯩﻠﯩﻘﯩﻐﺎ ﻧﯩﺴﭙﻪﺗﻪﻥ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﺋﯧﻠﯩﻤﯧﻨﺘﻰ ﻛﯜﭼﻠﯜﻙ ﺑﻮﻟﻐﺎﻧﻼﺭﻧﻰ ﮪﺎﻳﺎﺕ ﻗﺎﻟﺪﯗﺭﻣﺎﺳﻠﯩﻖ ﺑﻮﻟﻐﺎﻥ.
1940-ﻳﯩﻠﻰ 4-ﺋﺎﻳﻨﯩﯔ 13-ﻛﯜﻧﻰ ﺋﯩﺴﺘﺎﻟﯩﻦ ﭘﻮﻟﺸﺎﻧﯩﯔ ﮪﻪﺭﺑﯩﻲ ﺋﻮﻓﯧﺘﺴﯧﺮﻟﯩﺮﻯ، ﺳﺎﻗﭽﻰ ﺋﻮﻓﯧﺘﺴﯧﺮﻟﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 22 ﻣﯩﯔ ﺯﯨﻴﺎﻟﯩﻨﻰ «ﻛﺎﺗﯩﻦ» ﺋﻮﺭﻣﺎﻧﻠﯩﻘﯩﻐﺎ ﺗﻮﭘﻼﭖ، ﮪﻪﻣﻤﯩﺴﯩﻨﻰ ﻗﯩﺮﯨﭗ ﺗﺎﺷﻠﯩﻐﺎﻥ. پولشالىقلار بۇ كۈننى «كاتىن قىرغىنچىلىقى» دەپ ئاتاپ، ھازىرغا قەدەر خاتىرىلەپ كەلمەكتە.
ﺑﯩﺮﺍﻕ ﺳﻮﯞﯦﺖ، ﺑﯘ «ﻛﺎﺗﯩﻦ ﻗﯩﺮﻏﯩﻨﭽﯩﻠﯩﻘﻰ» ﻧﻰ ﺋﯩﺰﭼﯩﻞ ﮪﺎﻟﺪﺍ ﮔﯧﺮﻣﺎﻥ ﻧﺎﺗﺴﯧﺴﺘﻠﯩﺮﯨﻐﺎ ﺋﺎﺭﺗﯩﭗ ﻛﻪﻟﮕﻪﻥ ﯞﻩ 1990-ﻳﯩﻠﯩﺪﯨﻦ ﻛﯧﻴﯩﻦ (ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﭘﺎﺭﭼﯩﻠﯩﻨﯩﺸﯩﺪﯨﻦ ﻛﯧﻴﯩﻦ) ﺋﺎﻧﺪﯨﻦ ﺭﻩﺳﻤﯩﻲ ﺋﯩﺘﯩﺮﺍﭖ ﻗﯩﻠﻐﺎﻥ.
ﺧﯩﺘﺎﻱ ﻣﯘﺳﺘﻪﺑﯩﺖ ﮪﺎﻛﯩﻤﯩﻴﯩﺘﯩﻨﯩﯔ 2016-ﻳﯩﻠﯩﺪﯨﻦ ﺋﯩﺘﯩﺒﺎﺭﻩﻥ ﻳﻮﻟﻐﺎ ﻗﻮﻳﯘﭖ ﻛﻪﻟﮕﻪﻥ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺳﯩﻴﺎﺳﯩﺘﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺳﻪﺭﺧﯩﻠﻠﯩﺮﯨﻨﻰ ﺋﺎﻟﺪﻯ ﺑﯩﻠﻪﻥ ﺗﯘﺗﻘﯘﻥ ﻗﯩﻠﻐﺎﻧﻠﯩﻘﯩﻨﻰ ﯞﻩ ﺋﯘﻻﺭﻧﻰ ﺟﺎﺯﺍ ﻻﮔﯩﺮﻟﯩﺮﯨﺪﺍ، ﺗﯜﺭﻣﯩﻠﻪﺭﺩﻩ ﺗﯘﺗﯘﭖ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﯩﻤﯩﺰ. ﻟﯧﻜﯩﻦ ﻗﺎﻧﭽﯩﻠﯩﻚ ﺋﯘﻳﻐﯘﺭ ﺳﻪﺭﺧﯩﻠﻠﯩﺮﯨﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﺪﯨﻦ ﮪﺎﺯﯨﺮﭼﻪ ﻣﻪﻟﯘﻣﺎﺗﯩﻤﯩﺰ ﻳﻮﻕ. ﺧﯩﺘﺎﻱ ﺑﯘﻧﯩﯔ ﮪﯧﺴﺎﺑﯩﻨﻰ ﺑﯧﺮﯨﺸﺘﯩﻦ ﺩﺍﯞﺍﻣﻠﯩﻖ ﺑﺎﺵ ﺗﺎﺭﺗﯩﺪﯗ. ﺋﻪﻣﻤﺎ، ﺧﯘﺩﺩﻯ ﺭﯗﺳﯩﻴﻪ «ﻛﺎﺗﯩﻦ ﻗﯩﺮﻏﯩﻨﭽﯩﻠﯩﻘﻰ»ﻧﻰ ﺋﺎﺭﯨﺪﯨﻦ 60 ﻳﯩﻞ ﺋﯚﺗﻜﻪﻧﺪﻩ ﺭﻩﺳﻤﯩﻲ ﺋﯩﺘﯩﺮﺍﭖ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﺪﻩﻙ، ﺧﯩﺘﺎﻳﻤﯘ ﮪﺎﻣﺎﻥ ﺑﯩﺮ ﻛﯜﻧﻰ ﺋﯩﺘﯩﺮﺍﭖ ﻗﯩﻠﯩﺸﻘﺎ ﻣﻪﺟﺒﯘﺭ ﻗﺎﻟﯩﺪﯗ. ﺋﯘﻳﻐﯘﺭ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﯩﻨﯩﯔ ﮪﯧﺴﺎﺏ-ﻛﯩﺘﺎﺑﻰ ﺷﯘ ﭼﺎﻏﺪﺍ ﺑﻮﻟﯩﺪﯗ.
