ﺋﯘﻳﻐﯘﺭ ﻣﻪﺟﺒﯘﺭﯨﻲ ﺋﻪﻣﮕﯩﻜﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻗﺎﻧﯘﻧﯩﺪﯨﻜﻰ ﻳﻮﭼﯘﻗﻼﺭ
ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺧﯩﺘﺎﻱ ﺋﯩﺸﻠﯩﺮﻯ ﺋﺎﻻﮪﯩﺪﻩ ﻛﻮﻣﯩﺘﯧﺘﯩﻨﯩﯔ 7-ﺋﯚﻛﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎﻧﯩﯔ （Applied Materials)（KLA）we（Lam Research Corporatio)、 ﮔﻮﻟﻼﻧﺪﯨﻴﻪﻧﯩﯔ（ASML)、ﻳﺎﭘﻮﻧﯩﻴﻪﻧﯩﯔ（Tokyo Electron Ltd）ﻗﺎﺗﺎﺭﻟﯩﻖ ﺷﯩﺮﻛﻪﺗﻠﯩﺮﻯ ﺧﯩﺘﺎﻳﻐﺎ 40 ﻣﯩﻠﻴﺎﺭﺩ ﺩﻭﻟﻼﺭ ﻗﯩﻤﻤﯩﺘﯩﺪﯨﻜﻰ ﻳﯧﺮﯨﻢ ﺋﯚﺗﻜﯜﺯﮔﯜﭺ ﺋﯩﺸﻠﻪﭘﭽﯩﻘﯩﺮﯨﺶ ﺋﯜﺳﻜﯜﻧﯩﻠﯩﺮﯨﻨﻰ ﺳﯧﺘﯩﭗ ﺑﻪﺭﮔﻪﻥ. ﻣﯩﻜﺮﻭ ﺋﯚﺯﻩﻙ ﺋﯩﺸﻠﻪﭘﭽﯩﻘﯩﺮﯨﺶ ﺋﯜﭼﯜﻥ ﻗﻮﻟﻠﯩﻨﯩﻠﯩﺪﯨﻐﺎﻥ ﺑﯘ ﺋﯜﺳﻜﯜﻧﯩﻠﻪﺭﻧﻰ ﺧﯩﺘﺎﻳﻨﯩﯔ ﮪﻪﺭﺑﯩﻲ ﺳﺎﮪﻪﺳﻰ، ﺋﺎﺧﺒﺎﺭﺍﺕ ﺋﻮﺭﮔﯩﻨﻰ ﯞﻩ ﺧﯘﺋﺎﯞﯦﻲ ﺑﯩﻠﻪﻥ ﺋﺎﻻﻗﯩﺪﺍﺭ ﺑﻮﻟﻐﺎﻥ ﺷﯩﺮﻛﻪﺗﻠﻪﺭ ﺳﯧﺘﯩﯟﺍﻟﻐﺎﻥ.
ﺋﻪﺳﻠﯩﺪﻩ ﺑﯘ ﺋﯜﺳﻜﯜﻧﯩﻠﻪﺭﻧﻰ ﺧﯩﺘﺎﻱ ﺩﯙﻟﯩﺘﯩﮕﻪ ﭼﯧﺘﯩﻠﻐﺎﻥ ﺷﯩﺮﻛﻪﺗﻠﻪﺭﮔﻪ ﺳﯧﺘﯩﭗ ﺑﯧﺮﯨﺶ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﭼﻪﻛﻠﻪﻥﮔﻪﻥ ﺑﻮﻟﯘﭖ، ﺧﯩﺘﺎﻱ ﺑﯘ ﺋﯜﺳﻜﯜﻧﯩﻠﻪﺭﮔﻪ ﺋﯧﺮﯨﺸﯩﺶ ﺋﯜﭼﯜﻥ ﻛﯚﺭﯛﻧﯜﺷﺘﻪ ﺩﯙﻟﻪﺕ ﺑﯩﻠﻪﻥ ﺋﺎﻻﻗﯩﺴﻰ ﺑﻮﻟﻤﯩﻐﺎﻥ ﻳﯧﯖﻰ ﺷﯩﺮﻛﻪﺗﻠﻪﺭﻧﻰ ﻗﯘﺭﯗﭖ ﺳﻮﺩﯨﻼﺷﻘﺎﻥ. ﻳﯘﻗﺎﺭﻗﻰ ﺋﯩﺴﻤﻰ ﺋﺎﺗﺎﻟﻐﺎﻥ 5 ﺷﯩﺮﻛﻪﺗﻤﯘ ﺗﻪﻣﯩﻨﻠﻪﺵ ﺯﻩﻧﺠﯩﺮﯨﺪﯨﻜﻰ ﻳﻮﭼﯘﻗﺘﯩﻦ ﺋﯘﺳﺘﯩﻠﯩﻖ ﺑﯩﻠﻪﻥ ﭘﺎﻳﺪﯨﻠﯩﻨﯩﭗ، ﺋﯘﻳﻐﯘﺭ ﻣﻪﺟﺒﯘﺭﯨﻲ ﺋﻪﻣﮕﯩﻜﯩﮕﻪ ﭼﯧﺘﯩﺸﻠﯩﻖ ﺩﻩﭖ ﻗﺎﺭﯨﻠﯩﭗ ﺋﺎﻣﯧﺮﯨﻜﺎﻧﯩﯔ ﻗﺎﺭﺍ ﺗﯩﺰﯨﻤﻠﯩﻜﯩﮕﻪ ﭼﯜﺷﻤﯩﮕﻪﻥ ﺑﯘ „ﻳﯧﯖﻰ ﺷﯩﺮﻛﻪﺕ“ﻟﻪﺭﮔﻪ ﻣﺎﻟﻠﯩﺮﯨﻨﻰ ﺧﺎﺗﯩﺮﺟﻪﻡ ﺳﯧﺘﯩﭗ، ﺋﯚﺯ ﻣﻪﻧﭙﯩﺌﻪﺗﯩﻨﻰ ﻗﺎﻧﺪﯗﺭﻏﺎﻥ.
ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﻰ 8-ﺋﯚﻛﺘﻪﺑﯩﺮﺩﯨﻜﻰ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺧﯩﺘﺎﻱ ﺋﯩﺸﻠﯩﺮﻯ ﺋﺎﻻﮪﯩﺪﻩ ﻛﻮﻣﯩﺘﯧﺘﯩﻨﯩﯔ ﺭﻩﮪﺒﻪﺭﻟﯩﺮﯨﺪﯨﻦ (John Moolenaar), (Raja Krishnamoorthi）ﻗﺎﺗﺎﺭﻟﯩﻘﻼﺭ ﺑﯘ ﻳﻮﭼﯘﻗﻼﺭﻧﻰ ﺩﻩﺭﮪﺎﻝ ﺗﺎﻗﺎﭖ، ﺧﯩﺘﺎﻳﻐﺎ ﻳﯘﻗﯩﺮﻯ ﺗﯧﺨﻨﯩﻠﻮﮔﯩﻴﻪﻟﯩﻚ ﺋﯜﺳﻜﯜﻧﯩﻠﻪﺭﻧﻰ ﺳﯧﺘﯩﺸﻨﻰ ﺗﻮﺧﺘﺎﺗﻤﯩﻐﺎﻧﺪﺍ، ﺋﺎﻣﯧﺮﯨﻜﺎﻧﯩﯔ ﺑﯘ ﺭﯨﻘﺎﺑﻪﺗﺘﻪ ﺧﯩﺘﺎﻳﻐﺎ ﺋﯘﺗﺘﯘﺭﯗﭖ ﻗﻮﻳﯘﺷﻰ ﻣﯜﻣﻜﯩﻨﻠﯩﻜﯩﻨﻰ ﯞﻩ ﺧﯩﺘﺎﻳﻨﯩﯔ ﺋﯩﻨﺴﺎﻥ ﮪﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﺩﺍﯞﺍﻣﻼﺷﺘﯘﺭﯨﺸﯩﻐﺎ ﻳﻮﻝ ﺋﯧﭽﯩﭗ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.
