ﺋﯘﻳﻐﯘﺭﻻﺭﻧﯩﯔ ﺗﯜﺭﻛﯩﻴﻪﺩﯨﻜﻰ ﭘﺎﺋﺎﻟﯩﻴﻪﺗﻠﯩﺮﻯ
ﺩﻭﻛﺘﯘﺭ ﺭﯨﺸﺎﺕ ﺋﺎﺑﺒﺎﺱ ﺑﺎﺷﭽﯩﻠﯩﻘﯩﺪﯨﻜﻰ ﺋﯘﻳﻐﯘﺭ ﺋﺎﻛﺎﺩﯦﻤﯩﻴﻪﺳﻰ 16-ﺳﯩﻨﺘﻪﺑﯩﺮ ﻛﯜﻧﻰ ﺗﯜﺭﻛﯩﻴﻪ ﭘﺎﻳﺘﻪﺧﺘﻰ ﺋﻪﻧﻘﻪﺭﻩﺩﻩ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ ﺋﯚﺗﻜﯜﺯﮔﻪﻥ. 3 ﻛﯜﻧﻠﯩﻚ ﺑﯘ ﻛﯘﺭﯨﺴﻘﺎ ﺋﺎﻣﯧﺮﯨﻜﺎ، ﻳﺎﯞﺭﻭﭘﺎ ﯞﻩ ﺗﯜﺭﻛﯩﻴﻪﺩﯨﻦ ﻛﻪﻟﮕﻪﻥ ﺋﯘﻳﻐﯘﺭ ﺗﻪﺗﻘﯩﻘﺎﺗﭽﯩﻼﺭ ﯞﻩ ﺗﻪﺷﻜﯩﻼﺕ ﺭﻩﮪﺒﻪﺭﻟﯩﺮﯨﻤﯘ ﭘﯩﻜﯩﺮ ﻗﺎﺗﻨﺎﺷﺘﯘﺭﻏﺎﻥ. ﺋﯘﻳﻐﯘﺭ ﮪﻪﺭﯨﻜﯩﺘﻰ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﺭﯗﺷﻪﻥ ﺋﺎﺑﺒﺎﺱ ﺧﺎﻧﯩﻤﻤﯘ ﺑﯘ ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻥ. ﻳﯩﻐﯩﻨﺪﺍ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﯘﻳﻐﯘﺭ ﻛﯩﻤﻠﯩﻜﻰ ﯞﻩ ﻣﻪﺩﻩﻧﯩﻴﯩﺘﯩﻨﻰ ﻗﻮﻏﺪﺍﺵ، ﺋﯘﻳﻐﯘﺭ ﻣﯩﻠﻠﯩﻲ ﺩﻩﯞﺍﺳﯩﻐﺎ ﺗﯚﮪﭙﻪ ﻗﻮﺷﯘﺷﯩﻐﺎ ﺩﺍﺋﯩﺮ ﺗﯧﻤﯩﻼﺭ ﻣﯘﺯﺍﻛﯩﺮﻩ ﻗﯩﻠﯩﻨﻐﺎﻥ. ﻳﯩﻐﯩﻨﺪﯨﻦ ﻛﯧﻴﯩﻦ، ﺋﯘﻻﺭ ﻣﻪﺭﮪﯘﻡ ﻟﯩﺪﻩﺭ ﻣﯘﮪﻪﻣﻤﻪﺩ ﺋﻪﻣﯩﻦ ﺑﯘﻏﺮﺍﻧﯩﯔ ﻗﻪﺑﺮﯨﺴﯩﻨﻰ ﯞﻩ ﭘﺎﻳﺘﻪﺧﺘﻨﯩﯔ ﻣﯘﮪﯩﻢ ﺟﺎﻳﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ.