ۋاشىنگتوندا «تىز پۈكمەس بىر ئۇيغۇرنىڭ ئەركىنلىك يولىدىكى كۆرىشى» مۇراسىمى
ئامېرىكا ئۇيغۇر جەمىيىتى، ئامېرىكا ئۇيغۇر ئاكادېمىيەسى ۋە ئۇيغۇر ئاگېنتلىقىنىڭ ئورتاق تەشكىللىشى بىلەن 3-ئاۋغۇست ۋاشىنگتوندا «تىز پۈكمەس بىر ئۇيغۇرنىڭ ئەركىنلىك يولىدىكى كۆرىشى» ناملىق كىتاب ھەققىدە سۆھبەت پائالىيىتى بولۇپ ئۆتتى. پائالىيەت ۋاشىنگتون(Washington)، ۋېرجىنىئا(Virginia)، ماريلاند(Maryland)دىكى ئۇيغۇر جامائىتىنىڭ قىزغىن قوللىشىغا ئېرىشتى.
«تىز پۈكمەس بىر ئۇيغۇرنىڭ ئەركىنلىك يولىدىكى كۆرىشى» ناملىق كىتابنىڭ ئاپتورى، ئۇيغۇر ھەرىكىتى تەشكىلاتىنىڭ رەئىسى ۋە د ئۇ ق ئىجرائىيە كومىتېتىنىڭ رەئىسى رۇشەن ئابباس خانىم پائالىيەتتە، مەزكۇر كىتابتا ئىلگىرى سۈرۈلگەن ئىدىيەنى ئۇيغۇر جامائىتى بىلەن ئورتاقلىشىپ، «تىزپۈكمەس» روھنىڭ ھەقىقىي مەناسىنىڭ خىتاينىڭ ئىرقىي قىرغىنچىلىقى ۋە دۆلەت ھالقىغان باستۇرۇشلىرىغا قارشى جاسارەتلىك بىر كۆرەش خاتىرىسىدىن ئىبارەت ئىكەنلىكىنى تەكىتلىدى. بۇ كۆرەشنىڭ نوقۇل ئۇيغۇرلار ئۈچۈنلا ئەمەس، ئەركىنلىكنى قەدىرلەيدىغان بارلىق ئىنسانلارنىڭ مەجبۇرىيىتى ئىكەنلىكىنى ئىلگىرى سۈردى.
پائالىيەت جەريانىدا قىزغىن سۆھبەتلەر بولۇپ ئۆتتى. ئىشتىراكچىلار ئەسەر ئاپتورىغا گۈلدەستىلەر سوۋغا قىلدى. خاتىرە سۈرەتلەرگە چۈشتى.
ئۇيغۇر ھەرىكىتى تەشكىلاتى بۇ پائالىيەتنى تەشكىللىگەن، قوللىغان، ئۇنىڭغا قاتناشقان بارلىق قېرىنداشلىرىغا چىن كۆڭلىدىن رەھمەتلىرىنى بىلدۈرىدۇ.
