گېرمانىيە بىلەن خىتاينىڭ مۇناسىۋېتى مۇزلاشقا باشلىغان
گېرمانىيە باش مىنىستىرى مەرز ھاكىمىيەت بېشىغا چىقىپلا ئامېرىكاغا ئۇچۇپ ترامپ بىلەن كۆرۈشكەن بولسىمۇ، ھازىرغا قەدەر خىتاي زىيارىتى ھەققىدە زۇۋان سۈرمىگەن. تاشقىي ئىشلار مىنىستىرى يوھان ۋادىپۇل بولسا، 10-ئاينىڭ 25-كۈنى باشلىنىدىغان خىتاي زىيارىتىنى ئەمەلدىن قالدۇرغان.
تىلغا ئېلىنىۋاتقان ئاساسلىق سەۋەبلەر:
1. خىتاينىڭ 10-ئاينىگ 9-كۈنى يولغا قويغان سېرەك توپا ئېكىسپورتىنى تىزگىنلەش سىياسىتى گېرمانىيەنىڭ ماشىنا سانائىتى ۋە باشقا تېخنىكىلىق سانائەت تۈرلىرىنىڭ تەرەققىياتىغا تەھدىت شەكىللەندۈرگەن.
2. خىتاينىڭ يېرىم ئۆتكۈزگۈچ مىكرو چىپلىرىنى ياۋروپاغا ئېكىسپورت قىلىشنى توختىتىشى گېرمانىيەنىڭ ئاپتوموبىل سانائىتىگە نىسپەتەن ئىش توختىتىش خەۋپىنى پەيدا قىلغان.
3. خىتاي گېرمانىيەگە „بىر جۇڭگو پىرىنسىپى“دا چىڭ تۇرۇش مەيدانىنى ئېنىق ئىپادىلەش، تەيۋەن مۇستەقىللىقىنى تەرغىپ قىلىدىغان ھەرقانداق ھەرىكەتكە قارشى ئېنىق ۋە قەتئىي پوزىتسىيە بىلدۈرۈشنى تەلەپ قىلغان.
يوھان ۋادىپۇل خىتاي بىلەن ئارىلىرىدا سۆزلەشكىدەك بىر ئىش قالمىغانلىقىنى ھېس قىلغان ۋە „خاتا ساياھەت قىلغاندىن، ساياھەت قىلمىغان ياخشى“ دېگەن.
گېرمانىيە خىتايغا ئىنتايىن ئىشەنگەن، تايانغان، باش ئەگكەن، ئۇيغۇر ئىرقىي قىرغىنچىلىقىنى ئىتىراپ قىلىش جاسارىتىنى كۆرسىتەلمىگەن بىر دۆلەت.
