چېكىنىش يولى يوق ئارال دۆلىتىنىڭ، دۇنيانىڭ ئۇچقۇچىسىز ئايرۇپىلان مەركىزىگە ئايلىنىپ قېلىش ئىھتىمالى بار
«ئارقا ئىشىك»تىن كىرىش ۋە «تېخنىكا ئوغۇرلاش» بىلەن سەلبىي ئوبراز ياراتقان قىزىل خىتاي ئامېرىكا ۋە ياۋروپانىڭ ئۇچقۇچىسىز ئايرۇپىلان بازىرىدىن قوغلاپ چىقىرىلغان. ئەكسىچە، دېموكراتىك دۆلەتلىك ئوبرازىغا ئىگە بولغان ھەمدە خەلقارلىق سودىلاردا ئىشەنچ قازانغان تەيۋەن دۇنيانىڭ دىققىتىنى تارتقان.
فرانسىيە ئاۋازىنىڭ بايان قىلىشىچە، خىتاينىڭ تاجاۋۇزىغا ئۇچرىسا قېچىش ياكى چېكىنىش يولى بولمىغان ئارال دۆلىتى تەيۋەننىڭ 2030-يىلىغا بارغاندا دۇنيانىڭ ئۇچقۇچىسىز ئايرۇپىلان مەركىزىگە ئايلىنىپ قېلىش ئىھتىماللىقى يۇقۇرى ئىكەن.
تەيۋەن مىكرو چىپ تېخنىكىسىدىكى ئەۋزەللىكى بىلەن ئۇچقۇچىسىز ئايرۇپىلان تەرەققىياتىغا زور دەرىجىدە مەبلەغ سېلىۋاتقان بولۇپ، 180 دىن ئارتۇق ئۇچقۇچىسىز ئايرۇپىلان شىركىتى تەيۋەننىڭ شىمالى، ئوتتۇرا ۋە جەنۇبىي قىسىملىرىدا بەس-بەستە بۇ ساھەدىكى تەتقىقات بىلەن مەشغۇل بولماقتا ئىكەن.
رۇسىيە-ئۇكرائىنا ئۇرۇشىنىڭ ساۋاقلىرى، تەيۋەننى خىتاي تاجاۋۇزىغا قانداق تاقابىل تۇرۇشنىڭ ئاقىلانە تەدبىرلىرى بىلەن تەمىنلىگەن. بۇندىن كېيىنكى زامانىۋىي ئۇرۇشنىڭ نوپۇسقا، زېمىن كۆلىمىگە، ئەسكەرىي مىقدارغا ئەمەس، بەلكى تېخنىكىلىق ھۇجۇم ۋە مۇداپىيە قوراللىرىغا تايىنىدىغانلىقىنى ھەممە كۆرۈپ يەتكەن
