يېڭى يىلدا «موللاق ئاتقان» خىتاي ئارمىيە سېپىدىكى يەنە ئىككى ئەمەلدار
ئاخبارات ۋاستىلىرىنىڭ 24-يانۋاردىكى خىتاي دۆلەت مۇداپىيە مىنىستىرلىكى باياناتىدىن نەقىل ئالغان خەۋىرىدە ئىلگىرى سۈرىلىشىچە، خىتاي ئارمىيەسىنىڭ شى جىنپىڭدىن كېيىنكى ئەڭ يۇقۇرى دەرىجىلىك ئەمەلدارى بولغان جاڭ يوۋشيا (张又侠) بىلەن ليى جېنلى (刘振立) ھوقۇقىدىن ئايرىلغان.
«ئىنتىزامغا ۋە قانۇنغا ئېغىر دەرىجىدە خىلاپلىق قىلغان» دېگەن گۇمان بىلەن تەكشۈرىلىۋاتقان جاڭ يوۋشيا خىتاي سىياسىي بۈروسىنىڭ ئەزاسى، مەركىزىي ھەربىي ئىشلار كومىتېتىنىڭ مۇئاۋىن رەئىسى، ليى جېنلى بولسا مەركىزىي ھەربىي ئىشلار كومېتىتىنىڭ ئەزاسى، مەركىزىي ھەربىي ئىشلار كومىتېتى بىرلەشمە قوماندانلىق باش شىتابىنىڭ باشلىقى ئىكەن.
خەۋەردە بايان قىلىشىچە، شى جىنپىڭ رەئىسلىكىدىكى «مەركىزىي ھەربىي ئىشلار كومىتېتى» خىتاينىڭ ئەڭ يۇقۇرى ھەربىي ئىشلار قوماندانلىق ئورگىنى بولۇپ، جاڭ يوۋشيا بىلەن ليى جېنلىنىڭ يوقىتىلىشى نەتىجىسىدە، بۇ ئورگاندىكى سابىق ھەربىي قوماندانلار تامامەن دېگۈدەك تازىلاپ تۈگىتىلگەن.
بىراق، بۇ قېتىم بۇ ئىككى خىتاي ئەمەلدارغا «چېرىكلىك» قالپىقى كەيدۈرۈلمىگەن. ئۆتكەن يىلى 10-ئايدا شى جىنپىڭ ھەربىي ساھەدىكى يۇقۇرى دەرىجىلىك 8 ئەمەلدارنى يوقاتقاندا، ئۇلار «چېرىكلىك» بىلەن ئەيىپلەنگەن.
