<<خىتاي مۇنبىرى>> يىغىنىدا خىتاينىڭ جىنايى قىلمىشلىرىغا ئورتاق تاقابىل تۇرۇش
كوممۇنىزىم قۇربانلىرى خاتىرە فوندى تەرىپىدىن ئۆكتەبىرنىڭ 27-كۈنى باشلانغان <<خىتاي مۇنبىرى>> يىغىنى 28-ئۆكتەبىر ئاخىرلاشتى.
ئامېرىكانىڭ يۇقۇرى قاتلام ئورگانلىرىدىن كەلگەن كۆپلىگەن مۇھىم شەخسلەر قاتناشقان بۇ يىغىندا خىتاينىڭ كۈنسىرى كۈچىيىۋاتقان يەرشارى خاراكتېرلىك تەھدىتلىرى، چىگرا ھالقىغان باستۇرۇشلىرى، دىنىي ئىتىقاد دەپسەندىچىلىكلىرى ۋە ئۇيغۇر مەجبۇرىي ئەمگىكىگە ئورتاق تاقابىل تۇرۇش ھەمدە دۇنياۋى خاراكتېرلىك دېموكراتىك بىرلىكنى كۈچەيتىشتەك مۇھىم تېمىلار مۇزاكىرە قىلىندى.
ئۆكتەبىرنىڭ 27-كۈنى ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىم بىلەن كوممۇنىزىم قۇربانلىرى خاتىرە فوندىنىڭ تەتقىقاتچىسى دوكتۇر ئادرىيان زېنزلار خىتاينىڭ چىگرا ھالقىغان باستۇرۇشلىرىغا ئائىت مەخسۇس بىر بۆلۈمدە خىتاينىڭ مۇھاجىرەتتىكى كىشىلەرگە قىلىۋاتقان زىيانكەشلىكلىرى ئۈستىدە توختالدى.
يىغىن ئاخىرىدا رۇشەن خانىمنىڭ «تىزپۈكمەس بىر ئۇيغۇرنىڭ ئەركىنلىك يولىدىكى كۆرىشى» ناملىق ئەسىرى ئورتاقلىشىلىپ، ھەقنى سۆزلىگەنلەرنىڭ تۆلەۋاتقان ئېغىر بەدەللىرى ۋە خىتاي مۇستەبىت ھاكىمىيىتىنىڭ ئىرقىي قىرغىنچىلىق جىنايەتلىرى پاش قىلىندى.
ئۆكتەبىرنىڭ 28-كۈنى يېپىلىش نۇتۇقىنى سۆزلىگەن ئامېرىكا دۆلەتلىك دېموكراتىيەنى ئىلگىرى سۈرۈش فوندىنىڭ باشلىقى دەيمان ۋىلسون (Damon Wilson) مۇنداق دېدى:
«كۈنىمىزدە، خىتاينىڭ ئىچى-سىرتىدا خۇددى ئۇيغۇر خانىملىرىدىن رۇشەن ئابباسقا ئوخشاش قەتئىي تىز پۈكمەي كۆرەش قىلىۋاتقان نۇرغۇن ئۈلگىلىك شەخسلەر بار، ئۇلارنىڭ جاسارىتى بىلەن ئاخىرقى غەلىبە چوقۇم قولغا كېلىدۇ»
