ياۋروپا ئىتتىپاقى خىتايغا يەنە جازا يۈرگۈزمەكچى
بىريۇسسېلدىن 5-ئاۋغۇست تارالغان خەۋەرلەردە بايان قىلىنىشىچە، ئامېرىكا بىلەن ياۋروپا ئىتتىپاقى خىتايغا جازا يۈرگۈزۈشتە ماس قەدەم بىلەن ئىلگىرىلىمەكتە ئىكەن.
ياۋروپا ئىتتىپاقىنىڭ بۇ ئايدا خىتايغا يەنە جازا يۈرگۈزىشىنىڭ ئاساسلىق سەۋەبى، رۇسىيەنىڭ تەبىئىي گاز ۋە نېفتلىرىنى ئىمپورت قىلىش ئارقىلىق رۇسىيەگە ئىقتىسادىي جەھەتتىن يار-يۆلەكتە بولىۋاتقان خىتاينىڭ، يېقىنقى مەزگىللەردىن بۇيان رۇسىيەنى كۆپ مىقداردا ئۇچقۇچىسىز ئايرۇپىلان ماتورى بىلەن تەمىنلىگەنلىكى بولغان.
ياۋروپا ئىتتىپاقى دېپلوماتلىرىنىڭ بىلدۈرىشىچە، 15 دۆلەت بۇ نۆۋەت خىتايغا يۈرگۈزىدىغان جازا ھەققىدە پىكىر بىرلىكى شەكىللەندۈرگەن. ئەمما جازانىڭ قايسى ساھەلەرگە چېتىلىدىغانلىقى تېخى مەلۇم ئەمەس.
