ياۋروپانىڭ 19-قېتىملىق رۇسىيەنى جازالاش قارارىدا خىتاي شىركەتلىرىنىڭ سانى كۆپەيدى
خىتاي سېرەك توپىنى تىزگىنلەشنى كۈچەيتىش ئارقىلىق ياۋروپا سانائىتىنى ئېغىر ۋەزىيەتتە قويىۋاتقان بىر مەزگىلدە، 22-ئۆكتەبىر ياۋروپا ئىتتىپاقى 19-قېتىملىق رۇسىيەنى جازالاش قارارىنى تەستىقتىن ئۆتكۈزدى.
رويتېرس ۋە فرانسىيە ئاگېنتلىقلىرىنىڭ خەۋەرلىرىدە بايان قىلىشىچە، ياۋروپا ئىتتىپاقى 2026-يىلى ئاخىرلىشىشتىن ئىلگىرى رۇسىيەدىن سۇيۇقلاندۇرۇلغان تەبىئىي گاز ۋە نېفت ئېلىشقا تولۇق خاتىمە بېرىدىكەن.
بۇ قارارغا كۆرە، ياۋروپا ئىتتىپاقىنىڭ جازاسىدىن قېچىپ، مەخپىي ھالدا رۇسىيەدىن تەبىئىي گاز ۋە نېفت توشۇۋاتقان 1700 <<ئەرۋاھ پاراخوت>>مۇ قارا تىزىملىككە ئېلىنغان. رۇسىيەنىڭ <<ئەرۋاھ پاراخوت>>لاردىن ئېرىشىدىغان كېرىمى ئۇرۇش چىقىمىنىڭ 30%-40% ئىنى ئىگىلىگەن.
خىتاينىڭ جازاغا ئۇچرىغان ئەسلىدىكى 4 شىركىتىدىن سىرت، يەنە 12 شىركىتى جازا تىزىملىكىگە كىرگۈزۈلگەن. بۇنىڭدىن باشقا، ھىندىستاننىڭ 3 شىركىتى، خوڭكوڭ، پراگۋاي ۋە تاجىكىستاننىڭ 5 بانكىسىمۇ تىزىملىككە كىرگۈزۈلگەن.
بىراق ياۋروپا ئىتتىپاقىنىڭ قائىدىسىگە بىنائەن، بۇ قارار 27 دۆلەتنىڭ تولۇق ئاۋاز بېرىشىگە ئېرىشەلىسە، ئاندىن ئىجرا قىلىنىدىكەن. رۇسىيەنى قوللاپ كېلىۋاتقان ۋېنگىرىيە ۋە سىلوۋاكىيە ياۋروپا ئىتتىپاقى ئۈچۈن بىر باش ئاغرىقى.
IwY2xjawNmuxpleHRuA2FlbQIxMABicmlkETBraFk3cUNqMERrV3AxeEppAR6LkxQxqFpnthhwdoYgXslySfws2UEBKumYh1CM9R7ZSb4umxMHNYZkwlv7xg_aem_rmUnWXQSuZSY21Qk7bWziw
