مۇستەبىتلەر قاتارىدىن ئورۇن ئالغان 77 دۆلەت ۋە خىتاي
.
بېرتېلىسمان فوندى جەمىيىتىنىڭ 137 دۆلەت ئۈستىدىن ئېلىپ بارغان 2026-يىللىق ئۆتكۈنچى باھالىشىدا، خىتاينى ئۆز ئىچىگە ئالغان 77 دۆلەت مۇستەبىت دۆلەتلەر قاتارىغا تىزىلغان.
.
بۇندىن 20 يىل ئىلگىرىكى باھالاشتا، دېموكراتىك دۆلەتلەرنىڭ نىسبىتى 55% بولغان بولسا، 2026-يىلى دېكتاتور دۆلەتلەرنىڭ نىسبىتى 56% بولغان. ئامېرىكا ۋە ياۋروپادىكى دېموكراتىك دۆلەتلەردىمۇ زور چېكىنىشلەر بارلىققا كەلگەن.
.
كىشىلىك ھوقۇق، دېموكراتىيە ۋە قانۇننىڭ ئادالىتى قاتارلىق ئاساسىي نۇقتىلاردىن ئېلىپ بېرىلىدىغان بۇ باھالاشلار بۈگۈنكى زاماننىڭ رېيال ۋەزىيىتىگە بەك ئۇيغۇن كەلمەسلىكى مۈمكىن.
.
باھالاشلاردا، ئىرقىي قىرغىنچىلىق، تاجاۋۇزچىلىق ۋە قۇل ئەمگىكى مەسىلىلىرىگە ئايرىم سەھىپە ئاجرىتىلىپ، «ئىرقىي قىرغىنچىلىق ئېلىپ بېرىۋاتقان دۆلەت»، «تاجاۋۇزچىلىق ئۇرۇشى قوزغاۋاتقان دۆلەت»، «قۇل ئەمگىكى جىنايىتى سادىر قىلىۋاتقان دۆلەت» دەپ ئېنىق بېكىتىلگەندە، توغرا باھاغا يېقىنلاشقان بولىدۇ.
بولۇپمۇ، خىتاي كەبى ئىرقىي قىرغىنچىلىق بىلەن شۇغۇللىنىۋاتقان دۆلەتلەر ئالاھىدە باھالاشتىن ئۆتكۈزىلىشى كېرەك.
