قەشقەردە قۇرۇلغان يېڭى ناھىيەنىڭ ئىسمى «سېنلىڭ»
«سېنلىڭ» بولسا مۇستەملىكىچىلىكنىڭ خورلۇقلىرىنى ئىپادىلەيدىغان بىر نام.
خىتاي ئاخبارات ۋاستىلىرى 26-مارت قەشقەر ۋىلايىتىدە «سېنلىڭ» (岑岭) دېگەن نامدا بىر يېڭى ناھىيە قۇرۇلغانلىقىنى ئېلان قىلدى. «خىتاي مەركىزى كومىتېتى، خىتاي دۆلەت ئىشلىرى كېڭىشى ۋە ئۇيغۇر ئاپتونۇم رايونلۇق ھۆكۈمەتنىڭ تەستىقى بىلەن قۇرۇلغان» بۇ يېڭى ناھىيە، ئەسلىدىكى قارغىلىق ناھىيىسىگە تەۋە بولغان شىخشۇ (西合休) بازىرىنى ئاساس قىلىپ قۇرۇلغان. ئۇنىڭ مەركىزى «شىنخۇا بازىرى» دېيىلگەن.
قارغىلىق ناھىيەسى خىتاي ھاكىمىيىتى شەرقىي تۈركىستان تەۋەسىدىكى ئىدارە قىلىشتا كۆپ قىينالغان ناھىيەلەرنىڭ بىرى. بۇ ناھىيەدە 1980-يىللاردىن باشلاپلا كۆپ قېتىم خىتاي ھاكىمىيىتىگە قارشى ھەر تۈرلىك ۋەقەلەر ئۈزلۈكسىز يۈز بېرىپ كەلگەن. بۇ ناھىيە ئابدۇلھېكىمخان مەخسۇمھاجىمغا ئوخشاش مەشھۇر دىنىي ئۆلىمالارنى، ئوبۇلقاسىمغا ئوخشاش تالايلىغان مىللىي قەھرىمانلارنى يېتىشتۈرگەن بىر تۇپراق ئىدى.
قەشقەر ۋىلايىتىگە قارايدىغان، ئەسلىدىكى نوپۇسى 5500 ئەتراپىدا بولغان يېڭى «سېنلىڭ» ناھىيىسىنىڭ خىتاي كۆچمەنلىرى ئۈچۈن قۇرۇلغان بىر ماكان بولۇش ئىھتىماللىقى يۇقىرى.
ئورنى:
36° 58′ 39.61″ N, 76° 41′ 15.79″ E
