قىزىل سىزىقلار يىرتىلماقتا
كۈچلۈكلەر 80 يىلدىن بۇيان داۋاملىشىپ كەلگەن دۇنيا تەرتىپلىرىنى ئاياقلىرى ئاستىدا يەنجىمەكتە. خەلقارا قانۇنلار ۋە كېلىشىملەر بىلەن مەۋجۇد بولۇپ كەلگەن قىزىل سىزىقلارنى يىرتىپ تاشلىماقتا. ھەر دۆلەت ئۆزىنىڭ مەۋجۇدلىقى ۋە بىخەتەرلىكى ئۈچۈن، جان ساقلاشقا لازىم ئىقتىسادىي قۇۋۋەتلىرىنى، جان ئالغۇچى ئەزرائىللارغا بېغىشلىماقتا.
دېكابىرنىڭ 26-كۈنى خىتاي ھاكىمىيىتى ئامېرىكانىڭ 20 شىركىتىگە ۋە 10 شىركەت رەھبەرلىرىگە ئىمبارگو قويغانلىقىنى جاكارلىدى. ئۇلارنىڭ خىتايدىكى مۈلۈكلىرىنى توڭلىتىش، خىتايغا كىرىشىنى چەكلەش ۋە ئۇلارنىڭ خىتايدىكى شىركەتلەر بىلەن بولغان ئالاقىسىغا خاتىمە بېرىشنى ئۆز ئىچىگە ئالغان بىر ئىمبارگو.
بۇ ئىمبارگو، ئۆتكەن ھەپتە ئامېرىكا تەيۋەنگە 11 مىليارد 100 مىليون دوللارلىق قورال سېتىپ بېرىشنى ئېلان قىلغاندىن كېيىن، خىتاي يولغا قويغان ئۆچ ئېلىش خاراكتېرلىق ھەرىكەت بولۇپ ھېسابلىنىدۇ. بۇ خىلدىكى توقۇنۇشلار خىتاي بىلەن ياۋروپا ئىتتىپاقى ئارىسىدىمۇ داۋام قىلماقتا.
ئامېرىكا بۇنىڭغا قارشى قانداق تەدبىرلەرنى قوللىنىدۇ؟
بۇنى ئالدىمىزدىكى كۈنلەردە كۆرىمىز.
