فرىدىرك مەرز گېرمانىيەگە باش مىنىستېر بولۇپ سايلاندى
6-ماي ئۆتكۈزۈلگەن گېرمانىيە پارلامېنتىدىكى سايلامغا 630 پارلامېنت ئەزاسى قاتناشقان بولۇپ، مەخپىي بىلەت تاشلاش ئارقىلىق ئېلىپ بېرىلغان سايلامدا باش مىنىستېر نامزاتى فرىدىرك مەرزنى قوللاپ ئاۋاز بەرگەنلەرنىڭ سانى 310 كىشى بولۇپ چىققان. ئەسلىدە مەرز، ئەڭ ئاز دېگەندە 316 ئاۋازغا ئېرىشەلىسە، باش مىنىستېر بولۇپ سايلىنالايدىكەن. بۇ گېرمانىيە فېدىراتسىيە جۇمھۇرىيىتى تارىخىدا كۆرۈلۈپ باقمىغان بىر ھادىسە بولغان.
خىرىستىيان دېموراتلار پارتىيەسى ۋە خىرىستىيان سوتسىيال پارتىيەسىدىن تەركىپ تاپقان بىرلەشمە پارتىيەنىڭ پارلامېنتتىكى ئەزا سانى 325 كىشى بولسىمۇ، 15 كىشى ئۆزلىرىنىڭ پارتىيە باشلىقىغا قارشى بىلەت تاشلىغان. كىملىكى نامەلۇم.
ھەرقايسى پارتىيەلەر نۆۋەتتىكى مۇرەككەپ خەلقارا ۋەزىيەتتە دەرھال بىر ھۆكۈمەت تەشكىللەشنى تەكىتلىشىپ، بىرقانچە سائەتتىن كېيىن ئىككىنچى قېتىملىق سايلامنى ئېلىپ بارغان. نەتىجىدە، 289 ئاۋازغا قارشى 325 ئاۋاز بىلەن مەرز گېرمانىيە فېدىراتسىيە جۇمھۇرىيىتىنىڭ 10- قېتىملىق باش مىنىستېرى بولۇپ سايلانغان.
خىتايغا ئانچە ئىجابىي قارىمايدىغان مەرزنىڭ ئۇيغۇر ئىرقىي قىرغىنچىلىقى مەسىلىسىگە قانداق پوزىتسىيە تۇتىدىغانلىقى ھازىرچە مەلۇم ئەمەسكەن.
