غەربىي ياۋروپادىكى ئەڭ چوڭ خىتاي ئەلچىخانىسى — ئەنگىلىيە-خىتاي مۇناسىۋەتلىرىنىڭ «ئالتۇن دەۋرى»نىڭ ئاچقۇچى
رويتېرىسنىڭ خەۋىرىگە ئاساسلانغاندا، ئەنگىلىيە باش منىستىرى رودنەي ستارمەر (Rodney Starmer) ) خىتاينىڭ لوندۇندا قۇرماقچى بولغان غەربىي ياۋروپادىكى ئەڭ چوڭ ئەلچىخانا قۇرۇلۇشىنى تەستىقلىغان. ئۇ خىتاي زىيارىتىنى باشلاشتىن ھەپتە ئىلگىرى بۇ قۇرۇلۇشنى تەستىقلاش ئارقىلىق، ئەنگىلىيە-خىتاي مۇناسىۋەتلىرىنىڭ «ئالتۇن دەۋرى»نى قايتىدىن ياراتماقچى بولغان.
بۇ قۇرۇلۇشقا ئۇزۇن يىللاردىن بۇيان ئەنگىلىيەنىڭ بىرقىسىم پارلامېنت ئەزالىرى، يەرلىك خەلق ۋە خىتايغا قارشى كۈچلەر ئىزچىل قارشى تۇرۇپ كەلگەن. ئۇلار «خىتاي ياۋروپادىكى ئەڭ چوڭ جاسۇسلۇق تورىنى بۇ يەردە قۇرماقچى، بۇ يالغۇز ئەنگىلىيە ئۈچۈنلا ئەمەس، ياۋروپا ئۈچۈمۇ تەھدىت» دەپ قارىغان.
ئەسىرلەردىن بۇيان ئەڭ چوڭ ئىمپېرىيالىست بولۇپ تونۇلغان بۈيۈك برېتانىيە، بۈگۈنكى كۈندە ئىقتىسادىي كۈچى زەئىپلەشكەن، سىياسىي تەسىرى چۆككەن، ھەربىي قۇۋۋىتى ئاجىزلاشقان بىر دۆلەت ھالىغا كەلگەن بولۇپ، ئۇنىڭ بۇرۇنقى سەلتەنەتلىك ئوبرازىدىن ئەسەرمۇ قالمىغان. خىتايغا ئېگىلىش، خىتايغا تايىنىش گويا ئەنگىلىيەنىڭ مەۋجۇدلۇقىنىڭ ئاساسىدەك.
شەرقىي تۈركىستاندىكى ئۇيغۇر مەجبۇرىي ئەمگىكىدىن يارالغان مەھسۇلاتلار ھازىرغا قەدەر ئەنگىلىيەدە ھىچ قارشىلىقسىز تۆكمە قىلىپ سېتىلماقتا.
