«سۇنماس بىر ئۇيغۇرنىڭ ئەركىنلىك يولىدىكى كۆرىشى» ھەققىدە نەشرىياتنىڭ بايانلىرى
«سۇنماس: بىر ئۇيغۇرنىڭ ئەركىنلىك يولىدىكى كۆرىشى» ناملىق كىتابنىڭ نەشىر قىلىنىشى مۇناسىۋېتى بىلەن، نەشرىيات تەرىپىدىن ئېلان قىلىنغان بىرقىسىم بېغىشلىمىلار:
» بۇ كىتاب ئىرقىي قىرغىنچىلىق، چىگرا ھالقىغان باستۇرۇش، نازارەت، مۇستەبىتلىك ۋە ئەركىن دۇنيانىڭ كېلىچىكى ئۈچۈن پۈتۈن يەرشارىغا بېرىلگەن ئاگاھلاندۇرۇش چاقىرىقىدۇر!»
«<سۇنماس: بىر ئۇيغۇرنىڭ ئەركىنلىك يولىدىكى كۆرىشى> بولسا رۇشەن ئابباسنىڭ جىددىي ۋە تەسىرلىك ئەسلىمىسىدۇر. رۇشەن ئابباس ئۇيغۇرلارنىڭ پۈتۈن دۇنيادىكى ئەڭ مەشھۇر ئاۋازلىرىنىڭ بىرى، شۇنداقلا ئۇ ئىككى قېتىملىق نوبېل تېنىچلىق مۇكاپاتىنىڭ نامزاتى بولغان ئۇيغۇر ھەرىكىتى تەشكىلاتىنىڭ قۇرغۇچىسى ۋە ئىجرائىيە رەئىسى. مەزكۇر كىتاب Optimum Publishing International نەشرىياتى تەرىپىدىن 2025-يىلى 6-ئاينىڭ 10-كۈنى ئامېرىكا ۋە كانادادا تارقىتىلىدۇ.»
«كىتابتا رۇشەن ئابباسنىڭ شەخسىي كەچۈرمىشلىرى بىلەن جىددىي سىياسىي ھاياتى بىر گەۋدىگە ئايلانغان ھالدا، خىتاينىڭ جازا لاگىرلىرى، نازارەت سىستېمىسى، مەجبۇرىي تۇغۇت چەكلەش، قۇللۇق ۋە مەدەنىيەت قىرغىنچىلىقى قاتارلىق ۋاستىلار ئارقىلىق يۈرگۈزۈپ كېلىۋاتقان ئىرقىي قىرغىنچىلىقىنىڭ ماھىيىتى ئېچىپ بېرىلگەن. ئۇ يەنە ئاتىسىنىڭ تېخى نەشىر قىلىنمىغان ئەسلىمىسىنى ئورتاقلىشىپ، ماۋ زېدوڭنىڭ مەدەنىيەت زور ئىنقىلابىنى ئۇيغۇرلارنىڭ نەزىرىدىن يورۇتۇپ بەرگەن.»
«دالاي لاما ئالىلىرى مەزكۇر كىتاب مۇناسىۋېتى بىلەن ئۇيغۇرلارنىڭ مۈشكۈلاتلىرى ھەققىدە تەسىرلىك بايانلارنى ئىزھار قىلىپ < بىر تىبەتلىك بولۇش سۈپىتىم بىلەن، ئوخشاش ھالدا خىتاي كوممۇنىستىك ھاكىمىيىتىنىڭ باستۇرۇشلىرىغا ئۇچراۋاتقان ئۇيغۇرلارغا چۇڭقۇر ھېسداشلىق بىلدۈرىمەن، رۇشەن ئابباس سۇنماس بىر ئۇيغۇرنىڭ ئەركىنلىك يولىدىكى كۆرىشى ناملىق كىتابىدا ئۇيغۇرلارنىڭ مۈشكۈلاتلىرىنىڭ ھەقىقىي ماھىيىتىنى ئاشكارىلاپ بەرگەن> دېدى.»
«ئامېرىكا دۆلەت مەجلىسىنىڭ ئەزاسى، ئاۋام پالاتاسى خىتاي مەسىلىلىرى پەۋقۇلاددە كومىتېتىنىڭ رەئىسى John Moolenaar مۇنداق دېدى: <بۇ كۈچلۈك جەلىپدار ئەسلىمىدە خىتاي كوممۇنىستىك پارتىيەسىنىڭ زوراۋانلىقىغا بولغان قەتئىي قارشىلىقنى نامايەن قىلغان. سۇنماس: بىر ئۇيغۇرنىڭ ئەركىنلىك يولىدىكى كۆرىشى بولسا سىياسەت بەلگۈلىگۈچىلەر، رەھبەرلىك قىلغۇچىلار ھەمدە ئىنسانىيەتنىڭ ئىززەت-ھۆرمىتىنى قوغداش تەرەپدارى بولغان بارلىق كىشىلەر ئۈچۈن جىددىي سەپەرۋەرلىك چاقىرىقىدۇر!»
«ئامېرىكا دۆلەت مەجلىسى ئەزاسى، ئۇيغۇر دوستلۇق گورۇپپىسىنىڭ قوش رەئىسلىرىدىن Thomas R. Suozzi مۇنداق دېدى: رۇشەن ئابباس ئاجايىپ كۈچلۈك بىر شەخس، ئۇ پاجىئەلەر ۋە دۆلەت ھالقىغان باستۇرۇشلار ئالدىدا سۈكۈتلىرىنى تەرىك ئەتتى. ئامېرىكا چوقۇم نۆۋەتتە ئىھتىياجلىق بولغان ئەخلاقىي رەھبەرلىك كۈچى ۋە جاسارىتى بىلەن مۇستەبىتلىككە قارشى تۇرۇشى كېرەك!»
«ئامېرىكا ئاۋام پالاتاسى ئەزاسى، ئاۋام پالاتا شەرقىي ئاسىيا ۋە تېنىچ ئوكيان تاشقىي ئىشلار كومىتېتىنىڭ رەئىسى Young Kim مۇنداق دېدى: ئۇنىڭ رەھبەرلىك قۇۋۋىتى ۋە ئىگىلمەس-سۇنماس تەشەببۇسلىرى خىتاي كوممۇنىستىك پارتىيەسىنىڭ ئۇيغۇرلارغا قاراتقان تېررورىستىك زىيانكەشلىكلىرىنى پاش قىلىشتا غايەت زور رول ئوينىدى. رۇشەننىڭ ھېكايىسىنى ھەربىر كىشى ئوقۇشى ۋە ئورتاقلىشىشى لازىم.»
