سىزنىڭ ھازىرمۇ ئۇيغۇر ئاياللىرىنىڭ ھەق-ھوقۇقىنى قوغداشقا ھەسسە قېتىش پۇرسىتىڭىز بار!
ئۇيغۇر ھەرىكىتى تەشكىلاتى ۋە دۇنيا ئۇيغۇر قۇرۇلتىيى 2025-يىلى نويابىردا گېرمانىيەدە خەلقارا ئۇيغۇر ئاياللىرى سۆھبىتى يىغىنىنى ئۇيۇشتۇرۇپ، تارىخىي ئەھمىيەتكە ئىگە بولغان «ئۇيغۇر ئاياللىرىنىڭ ھوقۇقى توغرىسىدا بېرلىن خىتابنامىسى»نى ئېلان قىلغان ئىدى. بۇ خىتابنامە ئىرقىي قىرغىنچىلىق، مەجبۇرىي ئەمگەك ۋە جىنسىي پاراكەندىچىلىكنىڭ زىيانكەشلىكىگە ئۇچراۋاتقان ئۇيغۇر ئاياللىرىنى قوغداش، ئۇلارغا ئادالەت تەلەب قىلىش ۋە خىتاينىڭ جىنايى جاۋابكارلىقىنى سۈرۈشتۈرۈشنى ئىلگىرى سۈرىدىغان دۇنياۋىي چاقىرىق ئىدى.
ھازىرغا قەدەر بۇ چاقىرىققا دۇنيانىڭ ھەرقايسى جايلىرىدىكى 80 دىن ئارتۇق تەشكىلات ۋە 160 تىن ئارتۇق شەخس ئىمزا قويدى.
سىزنىڭ ھازىرمۇ ئۇيغۇر ئاياللىرىنىڭ ھەق-ھوقۇقىنى قوغداشقا ھەسسە قېتىش پۇرسىتىڭىز بار!
تۆۋەندىكى لېنكىنى ئېچىپ، جەدىۋەلنى تولدۇرۇپ يوللىسىڭىز، ئۇيغۇر ئاياللىرىنىڭ ئاۋازىنىڭ تېخىمۇ يۈكسىلىشىگە تۆھپە قوشقان، خىتاي مۇستەبىت ھاكىمىيىتىنىڭ جىنايەتلىرىگە قارشى ئىرادىڭىزنى نامايەن قىلغان بولىسىز.
