سابىق پرىزدېنت ساركوزىينىڭ تۇرمىدا ئىككى قوغدىغۇچىسى بىلەن بىرگە يېتىشى قىزىقىش قوزغىماقتا
فرانسىيەنىڭ سابىق پرىزدېنتى نىكولاس ساركوزىي 21-ئۆكتەبىردىن باشلاپ تۇرمىدا يېتىشقا باشلىغان. ئۇنىڭ تۇرمىدا ئىككى قوغدىغۇچىسى بىلەن بىرگە يېتىشى بۈگۈن دۇنيا ئاخبارات ۋاستىلىرىنىڭ قىززىق تېمىسىغا ئايلانغان.
70 ياشلىق ساركوزىي پارىخورلۇق ۋە قانۇنسىز سايلام مەبلىغى ئىشلەتكەنلىك جىنايىتى بىلەن 5 يىللىق كېسىلگەن بولۇپ، ئۇ فرانسىيە ۋە ياۋروپا تارىخىدىكى ۋەزىپىسىدىن ئايرىلىپ تۇرمىغا كىرگەن تۇنجى پرىزدېنت ئىكەن.
ساركوزىي تۈنىگۈن قوللىغۇچىلىرى بىلەن تۇرمىغا كەلگەندىن كېيىن، ئۇ كىرگەن كامىرنىڭ يېنىدىكى كامىرغا ئىككى قوغدىغۇچىسى ئورۇنلاشتۇرۇلغان. خىتايدا بۇنداق بىر ئىشنى تەسەۋۋۇر قىلماق تەس.
زامانىدا لىۋېيە پرىزدېنتى كازافىدىن پرىزدېنتلىق سايلىمى ئۈچۈن پۇل ئالغانلىقى ئاشكارىلىنىشتىن ئىلگىرى، ساركوزىينىڭ يەنە باشقا كۆپلىگەن جىنايەتلىرى ئوتتۇرىغا چىققان.
