رۇشەن ئابباس خانىم چېخىيە پرىزدېنتى پېتىر پاۋېل بىلەن كۆرۈشتى
ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىم، ئۇيغۇر تەتقىقات مەركىزىنىڭ دىرېكتورى ئابدۇلھاكىم ئىدرىسلار 12-نويابىر چېخىيە پايتەختى پراگادىكى «پراگا قەلئەسى» دا ئۆتكۈزۈلگەن <<خەلقارا دىنىي ئىتىقاد ئەركىنلىكى>> يىغىنىنىڭ ئەزىز مېھمىنى بولدى.
چېخىيە پرىزدېنتى پېتىر پاۋېلنىڭ ئېچىلىش نۇتۇقى بىلەن باشلانغان، يۈزلىگەن دۆلەت ئەربابلىرى قاتناشقان بۇ چوڭ يىغىندا رۇشەن ئابباس خانىم نۇتۇق سۆزلەپ، خىتاي مۇستەبىت ھاكىمىيىتىنىڭ شەرقىي تۈركىستان خەلقى ئۈستىدىن يۈرگۈزىۋاتقان ئىرقىي قىرغىنچىلىق سىياسىتى ۋە دىنىي ئىتىقاد دەپسەندىچىلىكلىرىنى ئەتراپلىق پاش قىلىپ، قىزغىن ئالقىشقا ئېرىشتى.
يىغىن ئەسناسىدا چېخىيە پرىزدېنتى پېتىر پاۋېل رۇشەن ئابباس ۋە ئابدۇلھاكىم ئىدرىشلار بىلەن ئۇچرۇشۇپ خاتىرە سۈرەتكە چۈشتى. رۇشەن خانىم ئۆزىنىڭ «تىزپۈكمەس بىر ئۇيغۇرنىڭ ئەركىنلىك يولىدىكى كۆرىشى» ناملىق ئەسىرىنى پرىزدېنت پېتىر پاۋېلغا تەقدىم قىلدى.
