دۇنيا مىقياسىدا كۈنسىرى ئەۋىج ئېلىۋاتقان ئۇرۇش ۋە ئۆلۈم
نورۋېگىيەنىڭ «ئوسلو خەلقارا تېنىچلىق تەتقىقاتى مەركىزى» (Prio)، ئامېرىكىدىكى ھۆكۈمەتسىز تەشكىلات ئاسلېد (Acled) ۋە شىۋېتسىيەدىكى «خەلقارا تېنىچلىق تەتقىقات ئورنى» (Sipri)نىڭ مەلۇماتلىرىدا كۆرسىتىلىشىچە، 2024-يىلى جەمئىي 36 دۆلەتتە 61 قېتىم ئۇرۇش يۈز بېرىپ، 1946-يىلىدىن بۇيانقى ئەڭ يۇقۇرى رېكورتنى ياراتقان. 2024-يىلى ئۆلگەن ئادەملەرنىڭ سانى 233 مىڭ كىشىگە يەتكەن. ئەمما شەرقىي تۈركىستاندىكى ئىرقىي قىرغىنچىلىقتا قانچىلىك كىشىنىڭ قازا قىلغانلىقى دۇنياغا نامەلۇم.
ئۇرۇش رايونلىرى ئافرىقىدا 28، ئاسىيادا 17 ئورۇندا بولۇپ، 10 يىل ئىلگىرىكىدىن بىر ھەسسە ئاشقان. 2024-يىلىدىكى ھەربىي چىقىم 2 تىرىليون 700 مىليارد دوللارغا يەتكەن. خىتاينىڭ ھەربىي ساھەگە ئاجرىتىۋاتقان مەبلىغى يىلسىرى ئېشىۋاتقان بولۇپ، خىتاينىڭ تەيۋەننى ئىشغال قىلىش ئۇرۇشىغا جىددىي ھازىرلىق قىلىۋاتقانلىقى تەكىتلەنمەكتە.
