دۇنيانىڭ دورا زاۋۇتى بولغان خىتاي تىبابىتىنىڭ جان تومۇرى شەرقىي تۈركىستاندا
دورا بۈگۈنكى دۇنيادا ئالتۇن، نېفتكە ئوخشاش ئەڭ بازارلىق مەھسۇلاتلارنىڭ بىرى ھېسابلىنىدۇ. خىتاي ھازىرمۇ دۇنيانىڭ دورا زاۋۇتى. گەرچە كۆپىنچە دورا تېخنىكىلىرى غەرب شىركەتلىرىگە مەنسۇپ بولسىمۇ ھەمدە سېتىلىۋاتقان دورىلار غەرب شىركەتلىرىنىڭ نامىدا بولسىمۇ، دۇنيانى تەمىنلەۋاتقان ھەر تۈرلىك دورىلارنىڭ مۇتلەق كۆپ قىسمىنىڭ ئىشلەپچىقىرىلىشى خىتايدا ئېلىپ بېرىلىدۇ ۋە خىتايدا ئىشلەپچىقىرىلغان بۇ دورىلارنىڭ خام ئەشياسىنىڭ غول بىرقىسمى شەرقىي تۈركىستاندىن كېلىدۇ. تەبىئىيكى، ئۇيغۇر مەجبۇرىي ئەمگىكى بىلەن ئالاقىدار.
خىتاي مەنبەلىرىگە ئاساسلانغاندا، نۆۋەتتە شەرقىي تۈركىستاننىڭ تەكلىماكان قۇملۇقى، ئىلى دەرياسى، تارىم ئويمانلىقى، جۇڭغار ئويمانلىقى، تۇرپان ئويمانلىقى ۋە تارىم ۋادىسىدىكى 8 ۋىلايەتكە قاراشلىق 30 ناھىيە، رايون تەۋەسىدىكى 4 مىليون مو يەرگە دورا ئۆسۈملىكلىرى تېرىلىۋاتقان بولۇپ، بۇ جايلاردا 2471 خىل دورا ئۆسۈملىكلىرى ئىشلەپچىرىلىدىكەن ھەمدە خىتاي تىبابىتىنى مىليونلارچە توننىلىق دورا ئۆسۈملۈكلىرى بىلەن تەمىنلەيدىكەن.
دورىگەرلىك, تاپاۋىتى ياخشى بىر تىجارەت بولغانلىقى ئۈچۈن، شەرقىي تۈركىستاندىكى دورا ئۆسۈملىكلىرى مەنبەسىنىڭ ھەممىسى دېگۈدەك خىتايلارنىڭ قولىغا ئۆتۈپ كەتكەن. بولۇپمۇ 2016-يىلى ئۇيغۇر ئىرقىي قىرغىنچىلىقى باشلىنىپ، شەرقىي تۈركىستان „تىنجىتىلغان“دىن كېيىن، يۈزلىگەن خىتاي تىبابەت شىركەتلىرىنىڭ بۇ رايونغا سەلدەك ئېقىپ كىرىشىدىكى سەۋەب بۇ ئىكەن.
تەپسىلىي مەلۇمات ئۈچۈن تۆۋەندىكى ئۇلىنىشتىن پايدىلىنىڭ:
https://www.ts.cn/xwzx/jjxw/202601/t20260112_32488382.shtml?fbclid=IwY2xjawPSQ1VleHRuA2FlbQIxMABicmlkETBraFk3cUNqMERrV3AxeEppc3J0YwZhcHBfaWQQMjIyMDM5MTc4ODIwMDg5MgABHneuxfiK-29EK5HFh9qPjgLuXrNdHZ8VC6ox47btKDwy1baf54uQ6NGlNLQZ_aem_1UngGU9VykglFF42ekWiYw
