دىققەت: «ئۇيغۇر ھەرىكىتى» نامى سۈيئىستىمال قىلىنماقتا!
ئۇيغۇر ھەرىكىتى تەشكىلاتىنىڭ WEB سەھىپىلىرىگە، ئىجتىمائىي تاراتقۇ مۇنبەرلىرىگە ھۇجۇم قىلىش ياكى تەشكىلات مەسئۇللىرىنىڭ شەخسىي تور ئادرىسلىرى ھەم ئېلان قىلغان ئەسەرلىرىنىڭ ساختىسىنى ياساپ، ئۇيغۇر جامائىتى ئارىسىدا قايمۇقۇش، قالايمىقانچىلىق چىقىرىشقا ئۇرۇنۇش ھەرىكەتلىرى ئۇزۇندىن بۇيان داۋاملىشىپ كەلگەن ئىدى. بۇ قېتىم يەنە «ئۇيغۇر ھەرىكىتى» نامى سۈيئىستىمال قىلىنىپ، «ئۇيغۇر ھەرىكىتى» WEB سەھىپىسىنىڭ يالغان نۇسخىسىنىڭ بارلىققا كەلگەنلىكى بايقالدى.
دائىرىلەر بۇ ساختا WEB سەھىپىسىنى راست كۆرسىتىش ئۈچۈن، «ئۇيغۇر ھەرىكىتى» تەشكىلاتى خادىملىرىنىڭ نامىنى قوللانغان ۋە يالغان «پۇل ئىئانە قىلىش» كۆزنەكلىرىنى ئېچىپ، ئۇيغۇر ھەرىكىتى تەشكىلاتىنىڭ ھىمايىچىلىرىنى قاقتى-سوقتى قىلىشقا ئۇرۇنغان.
ئەگەر ئۇيغۇر ھەرىكىتى تەشكىلاتى بىلەن ھەرقانداق بىر مۇئامىلىدە بولۇشنى خالىسىڭىز، تەشكىلات خادىملىرى بىلەن بىۋاستە ئالاقىلىشىڭ. يالغان «ئۇيغۇر ھەرىكىتى» نىڭ ئالدام خالتىسىغا چۈشۈپ كېتىشتىن ساقلىنىڭ.
خىتاينىڭ مۇھاجىرەتتىكى غوللۇق ئۇيغۇر تەشكىلاتلىرىغا قارىتىلغان تور ھۇجۇملىرى كۈچەيمەكتە. دۈشمەن ئۇنسۇرلىرى WEB سەھىپىلىرىگە قارىتىلغان ۋىرۇس ھۇجۇمى ھەم سۈيئىستىمالدىن باشقا، ئۇيغۇر تەشكىلاتلىرىنىڭ ئىجتىمائىي تاراتقۇ سەھىپىلىرى ئۈستىدىن يالغان «شىكايەتلەر» نى يوللاپ، ئۇنى تاقىۋېتىش، ئۇيغۇرلاردىن ئايرىپ تاشلاش ئۈچۈن پائال ھەرىكەت قىلماقتا.
بۇنى قوغداپ قېلىشقا سىزمۇ ھەسسە قاتالايسىز. بىر بارماق بېسىش، بىر پىكىر يوللاش ياكى كۆچۈرۈپ تارقىتىش ئارقىلىق، بۇنىڭ ئۇيغۇرلار ئۈچۈن كېرەكلىك,ئىجابىي سەھىپىلەر ئىكەنلىكىنى نامايەن قىلالايسىز ۋە ئۇنىڭ مەۋجۇدلىقىغا تۆھپە قاتالايسىز.
.
بىزنى بىزدىن باشقىلارنىڭ قوغدىشىغا ھاۋالە قىلالمايمىز!
