خىتاي ھىچقاچان تەيۋەنگە ئىگە بولۇپ باقمىغان
تەيۋەن پرىزدېنتى لەي چىڭدې 22-ئىيۇن قىلغان سۆزىدە «خىتاي خەلق جۇمھۇرىيىتى ھىچقاچان تەيۋەنگە ئىگە بولۇپ باقمىغان» دەپ، يەنە بىر قېتىم تەيۋەننىڭ مۇستەقىللىق تەرغىباتىدا بولغان.
«شەرقىي تۈركىستان ئەزەلدىن خىتاينىڭ بىرقىسمى» دېگەندەك، «تەيۋەن ئەزەلدىن خىتاينىڭ بىرقىسمى» دەپ كېلىۋاتقان خىتاينىڭ تەيۋەنگە بولغان تەھدىتى ھەسسىلەپ كۈچىيىۋاتقان بىر مەزگىلدە قىلىنغان بۇ سۆز، خىتاينىڭ «تەيۋەننىڭ مۇستەقىللىقى ئۇرۇش دېمەكتۇر» دېگەن سۆزىگە تۈپتىن قارشى بولۇپ، دۇنيا جامائىتىنىڭ دىققىتىنى قوزغىغان.
