خىتاي كومپارتىيەسىنىڭ يەنە بەش يىللىق زالىملارچە ھۆكۈمرانلىقى
خىتاي كوممۇنىستىك پارتىيەسىنىڭ 4-ئومۇمىي يىغىنى 23-ئۆكتەبىر ئاخىرلاشتى. خىتاي ئېلان قىلغان ئاخبارات ۋە <<15-بەش يىللىق پىلان>> ھەققىدە غەرب مەتبۇئاتلىرى تۈرلىك ئانالىزلار ئېلىپ باردى. ئۇلار بۇ پىلاننىڭ 14-بەش يىللىق پىلاندىن كۆپ پەرقلەنمەيدىغانلىقى، دىققەتنى تارتقۇدەك يېڭىلىق يوقلىقى، خىتايدا ئالاھىدە بىر ئۆزگۈرۈشنىڭ يۈز بېرىشىنىڭ ناتايىنلىقى ۋە كېلەركى 5 يىلدا، خىتاينىڭ ھازىرقى رېتىمنى ساقلايدىغانلىقى توغرىسىدا ئاساسەن پىكىر بىرلىكى شەكىللەندۈرگەندەك قىلىدۇ.
بۇ دېگەنلىك، زالىم خىتاي ھاكىمىيىتىنىڭ زۇلۇملىرى ئۆز پۇخرالىرى ۋە مۇستەملىكىسى ئاستىدىكى شەرقىي تۈركىستان، تىبەت، جەنۇبىي موڭغۇلىيەلەردە يەنە 5 يىل دەۋىر سۈرىدۇ، دېگەنلىكتۇر.
دۇنيانىڭ ۋەزىيىتى بارغانسىرى ناچارلىشىۋاتقاندەك، خىتاينىڭ ۋەزىيىتىمۇ بارغانسىرى يامانلىشىۋاتىدۇ. شى جىنپىڭدىن كېيىن كىمنىڭ تەختكە چىقىشى، يېڭى ھۆكۈمراننىڭ قايسى يولدا مېڭىشى كىشىلەر بەكرەك دىققەت قىلىۋاتقان نۇقتىغا ئايلانغاندەك. ئىرقىي قىرغىنچىلىققا ئۇچراۋاتقان خەلقىمىزنىڭ تەقدىرىنى ئۆزگەرتىش ياراتقۇچىمىزغا ئاساندۇر.
