خىتاي شەرقىي تۈركىستانلا ئەمەس، دۇنيانىڭ مۇھىتىنى بۇلغىماقتا
خەۋەرلەردە بايان قىلىشىچە، خىتاينىڭ كۆمۈر ئېلىكتېر ئىستانسىسى قۇرۇلۇشىنىڭ كۆلىمى داۋاملىق كېڭىيىۋاتقان بولۇپ، 2025 -يىلىمۇ يەنە كۆپلىگەن يېڭى كۆمۈر ئېلىكتېر ئىستانسىسى قۇرۇلغان.
خىتايدىكى ئەڭ چوڭ كۆمۈر ئېلىكتېر ئىستانسىسى شەرقىي تۈركىستاندا بولۇپ، كۆمۈر مەنبەسى مول بولغان شەرقىي تۈركىستان ئېغىر دەرىجىدىكى مۇھىت بۇلغۇنۇشنىڭ تەسىرىگە ئۇچراپلا قالماي، خىتاينىڭ ئۆزىنىڭ ھەم دۇنيانىڭ مۇھىتىمۇ زور دەرىجىدە بۇلغانماقتا.
خىتاي بۇندىن بىرقانچە يىل ئىلگىرى ئۆتكۈزۈلگەن گلاسگوۋ كىلىمات يىغىنىدا كۆمۈرنى ئەمەلدىن قالدۇرۇشقا ۋەدە بەرگەن دۆلەتلەرنىڭ بىرى. ئەمما ئۇنىڭ بۇ ساھەدىكى ۋەدىسىگىمۇ ھىچ ۋاپا قىلمايدىغانلىقى مەلۇم بولماقتا.
