خىتاي دۇنياۋىي ئالدامچىلىق ئاپەتلىرىنىڭ مەنبەسى بولماقتا
يېقىنقى بىرقانچە ئاي ئىچىدە، ياۋروپا ۋە شەرقىي جەنۇبىي ئاسىيا ئەللىرىدىن بىر تۈركۈم خىتاي ئالدامچىلىرى قولغا ئېلىنىپ، ئۇلارنىڭ بەزىلىرى خىتايغا قايتۇرۇپ بېرىلگەن ئىدى. 3-ئاپرىل جۈمە كۈنى سىرىلانكىدا 152 تور ئالدامچىسى قولغا ئېلىنغان. ئۇلارنىڭ 13 نەپىرى ۋېيتناملىق، قالغان 133 نەپىرى خىتاي. خىتايلار ئىچىدە 7 ئايال بار. ساقچىلار ئۇلار تۇرغان مېھمانخانىدىن 143 دانە لەپتوپ، 120 دانە ئۈستەل كومپيۇتېرى ۋە 370 دانە يانفوننى قولغا چۈشۈرگەن.
سىرىلانكا دائىرىلىرىنىڭ بىلدۈرىشىچە، ئالدىنقى ئايدا توردا ئالدامچىلىق بىلەن شۇغۇللىنىدىغان 135 نەپەر خىتاي ئەر-ئايال تۇتۇلۇپ، چىگرادىن قوغلاپ چىقىرىلغان. 2024-يىلى بولسا 230 نەپەر خىتاي ئالدامچىلار تۇتۇلغان.
باشقىلارنى ئالداپ-سوقۇپ جان بېقىدىغانلار خىتايدا نېمە دېگەن كۆپ؟ ئالدىنقى ھەپتە ھەتتا خىتايدا تۇرۇپ تور ئالدامچىلىقى بىلەن شۇغۇللىنىدىغان خىتايلارنىڭ بىر يىللىق كېرىمىنىڭ 2 مىليارد دوللارغا يېتىدىغانلىقى، بۇ تور ئالدامچىلىرىنىڭ ئارقىدا خىتاي ھاكىمىيىتىنىڭ بارلىقىغا دائىر خەۋەرلەر تارقالغان ئىدى.
