خىتاينىڭ مۇھاجىرەتتىكى ئۇيغۇرلارغا قارىتا تور ھۇجۇملىرى بارغانسىرى كۈچەيمەكتە
«خىتاينىڭ نىشانى» ناملىق تەتقىقات پروگراممىسىغا ياۋروپا، ئامېرىكا، ئاسىيا قىتئەلىرىدىن «جەنۇبىي گېرمانىيە گېزىتى»، «ئەينەك» ژورنىلى، «ۋاشىنگتون پوچتىسى»، «چىگراسىز مۇخبىرلار تەشكىلاتى»، «قوغدىغۇچىلار» قاتارلىق داڭلىق ئاخبارات ۋە تەتقىقات ئورگانلىرى قاتناشان.
«خىتاينىڭ نىشانى» ناملىق تەتقىقاتنىڭ مەقسىدى، خىتاينىڭ چىگرا ھالقىغان باستۇرۇشلىرىنى ئېنىقلاش بولغان.
جەنۇبىي گېرمانىيە گېزىتىنىڭ بىلدۈرىشىچە، 20 دىن ئارتۇق دۆلەتتىكى 100 دىن ئارتۇق كىشى ئۈستىدىن ئېلىپ بېرىلغان تەكشۈرۈش نەتىجىسىدە، بۇ ھۇجۇملارنىڭ ئاساسلىقى مۇھاجىرەتتىكى ئۇيغۇرلار، تىبەتلەر، خوڭكوڭلۇقلار ۋە تەيۋەنلىكلەرگە قارىتىلغانلىقى ئېنىقلانغان.
دۇنيا ئۇيغۇر قۇرۇلتىيىغا قارىتىلغان ئاخىرقى تور ھۇجۇمى 01.05.2025 ئېلىپ بېرىلغان. خىتاينىڭ مەقسىدى، مۇھاجىرەتتىكى خىتايغا قارشى كىشىلەرنىڭ بارلىق ئارخىپلىرىنى قولغا چۈشۈرۈشتىن ئىبارەت بولغان.
