«خىتاينىڭ جىنايەتلىرىنى ئاشكارىلاش: زامانىۋىي قۇللۇق ۋە مىللەتلەر ئىتتىپاقلىقى»
نورۋېگىيەدە چاقىرىلغان 2026-يىللىق «ئوسلو ئەركىنلىك مۇنبىرى» يىغىنى جەريانىدا، ئۇيغۇر ھەرىكىتى تەشكىلاتى «خىتاينىڭ جىنايەتلىرىنى ئاشكارىلاش: زامانىۋىي قۇللۇق ۋە مىللەتلەر ئىتتىپاقلىقى» دېگەن تېمىدا مەخسۇس يۇمۇلاق ئۈستەل سۆھبەت يىغىنى ئۆتكۈزدى.
تەيۋەن دېموكراتىيە فوندىنىڭ قوللىشى بىلەن ئۆتكۈزۈلگەن بۇ پائالىيەتكە ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىم باشچىلىقىدىكى تەشكىلات مەنسۇپلىرى، مۇھىم تەتقىقاتچىلار، ئالىملار، مۇخبىرلار ۋە كىشىلىك ھوقۇق پائالىيەتچىلىرى قاتناشتى.
خىتاينىڭ شەرقىي تۈركىستاندىكى جىنايى قىلمىشلىرىنى پاش قىلىشقا بېغىشلانغان بۇ يىغىندا، خىتاينىڭ «مىللەتلەر ئىتتىپاقلىقى» نىقاۋى ئاستىدىكى باستۇرۇش سىياسەتلىرى، مەجبۇرىي ئەمگەك، ئۇيغۇر ئىرقىي قىرغىنچىلىقىنىڭ كۆلىمى قاتارلىق مەسىلىلەر ئوتتۇرىغا قويۇلۇپ، كۈچلىك دىققەت قوزغىدى.
