ترامپ «بىز خىتاي بىلەن كۆرۈشۈپ تۇرىۋاتىمىز» دەيدۇ، خىتاي «ترامپ يالغان سۆزلەۋاتىدۇ» دەيدۇ. زادى قايسى راست؟
ئامېرىكا پرىزدېنتى ترامپ بىرقانچە كۈندىن بۇيان ئاخباراتنىڭ زىيارىتىنى قوبۇل قىلغاندا «بىز خىتاي تەرەپ بىلەن ھەر كۈنى كۆرۈشۈپ تۇرىۋاتىمىز» دېگەن. بىراق خىتاينىڭ ۋاشىنگتوندىكى باش ئەلچىخانىسى » بۇ يالغان ئۇچۇر، بىز ھىچقاچان تاموجنا بېجى مەسىلىسى توغرىسىدا ئامېرىكا تەرەپ بىلەن ئەمەلىي سۆھبەتتە بولمىدۇق، كېلىشىم ھاسىل قىلالىشىمىزمۇ مۈمكىن ئەمەس » دەپ، ترامپنىڭ سۆزىنى يالغانغا چىقىرىپ كەلگەن. زادى قايسىنىڭ دېگەنلىرى راست؟
كورىيە «مەركەز كۈندىلىك گېزىتى»نىڭ ئاشكارىلىشىچە، گېزىت مۇخبىرلىرى 24-ئاپرىل ئاقسارايغا يېقىن مالىيە مىنىستېرلىكى بىناسىدا ئۆتكۈزۈلگەن گ20 مالىيە باشلىقلىرى ئىچكىي يىغىنىغا 10 ئەتراپىدىكى خىتاي ۋەكىللەر ئۆئىمىكى ئەزالىرىنىڭ كىرىپ كېتىۋاتقانلىقىنى كۆرگەن ۋە ئۇلارنى رەسىمگە تارتىۋالغان. بىراق خىتايلار كورىيە مۇخبىرلىرىنى رەسىملەرنى دەرھال ئۆچۈرۈپ تاشلاشقا مەجبۇرلىغان ۋە ئۆزلىرىنىڭ كىملىكى توغرۇلۇق مەلۇمات بېرىشنى رەت قىلغان.
خىتايلار نىمە ئۈچۈن بۇنداق قىلىدۇ؟ نىمىدىن قورقۇدۇ؟
ئاقساراينىڭ ئىسمىنى ئاشكارىلاشنى خالىمىغان بىر ئەربابىنىڭ بىلدۈرىشىچە، نۆۋەتتىكى سودا ئۇرۇشى ئىككى دۆلەت رەھبىرىنىڭ «يۈز-ئابروي ئۇرۇشى» غىمۇ ئايلىنىپ قالغان بولۇپ، خىتاي ۋەكىللىرىنىڭ ئامېرىكىغا ۋەكىللەر ئۆمىكى ئەۋەتكەنلىكى ئاشكارىلىنىپ كەتسە، » بىز ئامېرىكا بىلەن ئاخىرىغىچە جەڭ قىلىمىز» دەپ پو ئاتقان شى جىنپىڭنىڭ خىتاي ئىچىدىكى يۈز-ئابرويى يەر بىلەن يەكسان بولىدىكەن. شۇڭا خىتاي تەرەپ ئۆز پۇخرالىرىغا ۋە دۇنياغا ئامېرىكىغا باش ئەگمىگەنلىكىنى كۆرسىتىش ئۈچۈن، ئۆزلىرىنىڭ ئامېرىكانىڭ ئالدىدا كۈچۈكلىنىۋاتقانلىقىنى يوشۇرۇشقا ئۇرۇنماقتىكەن.
بىراق «تېشىلمەيدىغان چىلەك يوق، يېشىلمەيدىغان سىر!»
