بېرلىن خىتابنامىسى ۋە ئۇيغۇر ئاياللىرىنىڭ جاسارىتى
نويابىرنىڭ 14-15-كۈنلىرى ئۇيغۇر ھەرىكىتى تەشكىلاتىنىڭ رەئىسى رۇشەن ئابباس خانىمنىڭ يىتەكچىلىكىدە بېرلىندا «خەلقارا ئۇيغۇر ئاياللىرى دىئالوگى» ئۆتكۈزۈلدى ھەمدە «ئۇيغۇر ئاياللىرىنىڭ ھوقۇقى ۋە ئەركىنلىكى ھەققىدە بېرلىن خىتابنامىسى» ئېلان قىلىندى.
خىتابنامىگە مۇھاجىرەتتىكى ئۇيغۇر مىللىي مۇجادىلىسى بىلەن ئالاقىدار بولغان 150 دىن ئارتۇق شەخس ۋە 80 دىن ئارتۇق تەشكىلات ئىمزا قويۇپ، ئۇيغۇر ئاياللىرىنىڭ ھەق-ھوقۇقى ۋە ئەركىنلىكى يولىدىكى كۆرەشلىرىنى قوللايدىغانلىقىنى ئىپادە قىلدى.
بېرلىن خىتابنامىسىنىڭ ماقۇللىنىشى ئۇيغۇر ئاياللىرىنىڭ مۇھاجىرەتتىكى مىللىي دەۋا مۇساپىسىدا قولغا كەلتۈرگەن مۇھىم بىر تارىخىي ئۇتۇقى بولۇپ قالدى. بۇ خىتابنامە شەرقىي تۈركىستان خەلقىنىڭ ھۆر، مۇستەقىل بىر دۆلىتىنى بەرپا قىلىش ئىستىكىنى دۇنياغا يەنە بىر قېتىم جاكارلىدى. ئۇيغۇر خانىم-قىزلىرىنىڭ تىز پۈكمەس روھى ۋە ئازاتلىق يولىدىكى كۆرەش ئىرادىسىنى نامايەن قىلدى!
