بىريۇسسېلدىن بېيجىڭغا ئاگاھلاندۇرۇش
2010-يىلى خىتاي ياپونىيەگە قارىتا سىرەك توپا ئېكىسپورتىنى چەكلەش ئارقىلىق بېسىم قىلغاندىن كېيىن، ياپونىيە سانائەت ساھەسى زاپاس ساقلاش ئىقتىدارىنى ئۆستۈرۈش كېرەكلىكىنى تونۇپ يېتىپ، خام ئەشيا زاپىسىنى قۇرۇپ چىققان. كورىيەمۇ خام ئەشيادا 100 كۈنگىچە خىتايغا تايانماي تۇرۇپمۇ ئىش ئېلىپ بارالايدىغان ھالەتنى شەكىللەندۈرگەن.
بىراق ياۋروپانىڭ تەبىئىي گاز ۋە نېفت زاپىسى كاپالەتكە ئىگە بولسىمۇ، سانائەت ھەم ھەربىي ساھەگە ئىشلىتىدىغان سېرەك توپا ۋە كۈچلۈك ماگنىتتا خىتايغا تايىنىپ قالغانلىقى ئۈچۈن، يېقىندىن بۇيان ياۋروپا سانائىتى خىتاينىڭ بېسىمى ئاستىدا قالغان.
ياۋروپا ئىتتىپاقى جىددىي رەۋىشتە «ھالقىلىق خام ئەشيالار قانۇنى»نى تۈزۈپ چىقىپ، 2030-يىلىغىچە 35 تۈرلىك مۇھىم خام ئەشيادا 60% ئۆزىگە تايىنىش ۋە زاپاس ساقلاش سالمىقىنى ئاشۇرۇشنى ھەمدە بۇ قانۇننى دەرھال ئىجرا قىلىشنى يولغا قويغان.
ھازىر ياۋروپا ئىتتىپاقى 43 تۈر بويىچە قۇرۇلۇشلىرىنى باشلىغان بولۇپ، بۇ خىتايغا نىسپەتەن «ساڭا تايانمايمۇ ياشىغىلى بولىدۇ» دېگەن مەنادىكى ئوچۇق ئاگاھلاندۇرۇش ھېسابلىنىدىكەن.
