ئۇيغۇر ۋەكىللىرى زەفەر پارتىيەسىنىڭ رەئىسى ئۈمىد ئۆزداغ بىلەن كۆرۈشتى
بۈگۈن 17-سىنتەبىر دوكتۇر رىشات ئابباس باشچىلىقىدا ئامېرىكا ئۇيغۇر ئاكادېمىيەسى تەرىپىدىن ئۇيۇشتۇرۇلغان ئۇيغۇر كىملىكى، مەدەنىيىتى ۋە تىلىنى قوغداش خەلقارالىق يىغىنىدا تۈركىيە زەفەر پارتىيەسىنىڭ رەئىسى، پارلامېنت ئەزاسى ئۈمىد ئۆزداغ (Ümid Özdag) بىلەن كۆرۈشتى.
ئۇيغۇر ھەرىكىتى تەشكىلاتى، دۇنيا ئۇيغۇر قۇرۇلتىيى، ئۇيغۇر ئاكادېمىيەسى ۋە ئۇيغۇر تەتقىقات مەركىزىنىڭ ۋەكىللىرى ئۈمىد ئۆزداغ ئەپەندىگە شەرقىي تۈركىستاندىكى ئىرقىي قىرغىنچىلىق توغرىسىدا مەلۇمات بېرىپ، ئۇيغۇرلار ۋە ئۇلارنىڭ مەدەنىيىتىنى قوغداشنىڭ خەلقارالىق ياردەملەرگە مۇھتاجلىقىنى بىلدۈردى. ئۈمىد ئۆزداغنىڭ ئۇيغۇرلارغا بولغان ھېسداشلىقى ۋە قوللاشلىرىغا نىسپەتەن رەھمەتلىرىنى بايان قىلدى.
